امي قاعدة تقتلنا

السلام عليكم
اول شي ياليت الي يقرا موضوعي يحط نفسه مكاني ويترك المثاليات وهذه أمك وو
انتم الملجأ الأخير اللي بلجأ له بعد الله ..
اول شيء امي وابوي منفصلين من زمان
ابوي بديرة و امي بديرة
انا واختي الان نعيش مع امي
وعندي اخ بعد كورونا عايش لحاله بسكن الشركة
امي ياجماعة احس انها تكرهني انا واختي وتفضل اخوي بشكل مجنون
تشك فينا اننا نكرهها انا واختي وترمي علينا كلام اننا نكرهها
مثلا بقولكم اقرب شي صار
قامت امس من النوم تقول حلمت بخنافس ثنتين فسرت الحلم تقول هذا انتي واختك لان الخنافس بالحلم اعداء لي😃!!!
..
وطول اليوم وهي ترمي كلام اننا اعداء لمجرد انها شافت حلم !!
ومن قبل الحلم مثلا نكون قاعدين نسولف تقول صدري عورني تعالوا اقروا علي عيونكن حارة انتي واختك !!

تتدخل بحياتنا وتتحكم فيها بشكل مو طبيعي حتى الاكل تتدخل فيه ما تعطينا فرصة نتنفس
الحين متخيلين بعد كورونا من يوم خلص الحظر ماطلعنا الا مرات معدودة 😀
الانسان يحتاج يطلع يتنفس
واذا قلت لها خل نطلع تقعد تبكي وتصيح وليه تضيقون صدري وتقولون نطلع
طيب لا نطلع بس خليني افضفض
لا ماتبي
ماتبي تشوف احد متضايق عندها ولا حزين تبينا زي الاصنام مبتسمين لها دايم 😃!!

ومع ابوي
هو بعيد عنا ويتصل كل يوم وتقولي لا تعلمينه وش اكلنا لا تقولين وش سوينا لا تقولين كذا ومع انها تسمع المكالمة
الا انها تقعد تدعي علي اذا ضحكت معه تقول ايه تضحكين معه وانا لا!
مع اني اضحك معها والله
بس هي خلاااااص عندها اعتقاد داخلي اننا نكرهها

..
واخوي البعيد الي مايجي الا مرة بالاسبوع تمدحه وتحبه
وتورينا كلامه بالواتساب وانه يسأل عنها كل يوم
اكيد بيسأل عنك كل يوم!!
بعيد عنك وعايش حياته وش يضره اذا ارسل رسالة مجاملة
حنا اللي عايشين هنا بالضغط معك طبيعي تكون نفسياتنا مضغوطة منك ومن تصرفاتك معنا !!!

..
وماقدر اصارحها ، ولا اكلمها ، ولا افضفض ، ولا اتكلم لو قلت شي واحد قلبت الدنيا علي
وعااااااادي جدًا تقعد طول اليوم تتكلم عن موضوع واحد وتضغط فيني لين انهار وابكي وبالاخير انا اللي اجيها اعتذر!!