امي قدر الله عليها وجاها سكر

وعليكم السلام والرحمه

الله يشفيها يارب ويطول في عمرها ويخليها لكم

حبيبتي مرض السكري ان شاء الله مو خطير ومافي منه خوف اهم شي تنتبهون لاكلها

جداتي وخالي وكثير يقربون لي معاهم السكر والحمد لله مافيهم شي وحياتهم طبيعيه

زي ماقلتي النشويات ممنوعه يعني ممكن كميات بسيطه عن نفسهم

الايدامات مثل بامية وكوسه وملوخيه والانواع الثانيه مسموحه

بطاطس ومكرونه وحلويات كمان ممنوعه او تكون كميه قليله

والمقالي كمان ممنوعه .. الشوي والسلق مسموح

وبالنسبه لتحلية الشاي والعصائر في انواع كثيره في السوبرماركت والصيدليه من سكر التحليه خاص بالحمية او لمرضى السكري

اتمنى اكون افدتك

الله يعافيها ويحفظها لكم
شوفي هالرابط أكيد بيفيدك
http://www.google.com.sa/search?hl=ar&source=hp&q=%D9%85%D8%A7%D8%B0%D8%A7+%D9%8A%D8%A7%D9%83%D9%84+%D9%85%D8%B1%D9%8A%D8%B6+%D8%A7%D9%84%D8%B3%D9%83%D8%B1&meta=&aq=0&aqi=g9&aql=&oq=%D9%85%D8%A7%D8%B0%D8%A7+%D9%8A%D8%A3%D9%83%D9%84+%D9%85%D8%B1%D9%8A%D8%B6&gs_rfai=&safe=active

الله يعطيكم الف عافيه ويشفي مرضاكم ومرضانا وجميع المسلمين

ويطمن قلوبكم ويرزقكم الراحه الدائمه

شاكره لكم ...

الله يشفيها امي كذا والله تعبانه منه بس الله يجمع لهم ااجر وعافيه ........

شوفي انا عندي لك كلام ونصايح ان شاءالله تستفيد منها
عن تجربه ..الرز اخف لها من الخبز واخف من الجريش..الجريش فيه نشويات اكثر من الرز..خلي وجبة غداها خضار ولو هي تحب البطاطس 3 قطع ماراح تضرها..والسلطات مسموحه والورقيات كلها مسموحه...السكريات لو تبي شاهي مايضرها باذن الله ملعقه صغيره في ابريقها مره يوميا...السكر الصناعي احذري منه..
الخبز طبعا لابد منه نصف خبزه او اقل ..والجبن طبعا قطعه قليلة الدسم..والدهون تبعد عنها وتسبدلها بملعقة زيت زيتزن في اليوم او ملعقتين....واللحوم والاسماك والدجاج بدون شحوم وبدون جلد ربع دجاجه يوميا او قطعة سمك او قطعة دجاج...والسمك انفع ..
باختصار ..السكريات ممنوعه الا قليل جدا..والدهون ممنوعه الا قليل جدا..النشويات باعتدال مثل اللي يسوي تخفيف اكل..
والافضل انها تخليها 5 وجبات عشان ما يرتفع بعد الاكل
هو تنظيم اكل وماهو منع ...والله يبعد عنها الشر..
واي استفسار انا بالخدمه ..صايره اخصائية سكر من واقع تجارب