امي كاسره خاطري

بنات انا مقهوره مرررره من اخواني الذكور هم 6ماشاء الله 3 منهم في نفس المدينه اللي فيها امي وابوي ...من يوم تزوجوا صاروا ماعاد يزورون امي وابوي الا اذا فيه مناسبه

كانوا يجون يوم الجمعه بعد الصلاه عند امي ويتغدون واحد داخل بجريده الثاني والابلاب توبه وواحد يكمل نومه

وطبعا امي تفرح فيهموتجهز لهم كل شي

اول مايدخلون بس مايسولفون ابدد اللي يقرا بالجريده واللي يطقطق على الاب توب والللي منزل
غترته على وجه ومنسدح نايم وامي حزينه

بالاخير طقتها بوجههم قالت اذا انتوا تجون بس علشان تقرون والا تنامون روحوا لبيوتكم ازين

وكانهم ماصدقوا وامي قالتها من الحررره

وحريمهم عاديات يعنى مو شرانيات ولا طيبات علشان نقول هم اللي دازين اخواني

حرام عليهم والله ..ماتتصورون كيف امي كانت تفرح يوم الجمعه وتقولنا نطبخ الاكلات اللي يحبونها علشان يستانسون اخواني

وتموت في عيالهم وعيالهم مو محتكين بامي لان قليل يزونها


انا واخواتي اللي مالين البيت على امي واذا جاء اخوي وزوجته يجون كانهم ضيوف واشوف الملل بوجيهم يعني تاديت واجب
بنات وضعنا عادي والا شلون ؟