امي لاتتقبل نصيحتي

السلام عليكم ورحمة الله وبركاته اخواتي
حبيت اشاركم همي لاني بصراحه محتاره هل اللي اسويه غلط ولا صح مو عارفه
عمري 29 سنه مشكلتي من لما كنت صغيره تحملت مسؤلية تربية اخواني واخواتي لاني الكبيره
اذا حصل لهم شيء دايما انا الغلطانه بعدها مرضت امي وانشغلت بمرضها وكنت انا اللي اهتم باخواني واطبخ لهم وانا كنت بفتره المراهقه
الحمدلله كنت من المتوفقات واحب دايما اقرأ بكتب التربية حتى اقدر اربي اخواني الحمدلله تعلمت وتخرجت وصرت اقرأ واتعلم بكثير من كتب علم النفس والتربيه والتطوير
كثير ناس يلجأو لي وياخذو بمشورتي بكثير من الامور والحمدلله وانا افرح بمساعدة غيري. موهبه قدرها لي ربي والحمدلله
لما كنت انصحها بامور التربيه ترفض وتهينني وتحجج باني صغيره واني (اتفلسف) عليها دايما لما اشوف شيء غلط انصحها ترفض تسمع لي وتصير تعايرني باني ماتزوجت وانهم مو اولادي اتدخل بتربيتهم
بجد اتضايق بانها تجرحني لكن امي ماقدر اقول شيء حتى والدي دايم يحب يستشيرني بكثير من الامور ويسمع لي لكنها ترفض
واذا صار شيء لاخواني تقول انتي السبب لاني اهملتهم ومااساعدها واني مهمله واني هم عليها حتى لدرجه تحرض اخواني انهم ما يحترموني وانا اختهم الكبيره
مشكله مره صارت لواحد من اخواني كنت اقولها لاتلبي كل طلباته لانه بكره راح يتعود على هذي الطريقه لكنها ماكانت تسمع لي وكبر وصار اذا مالبينا طلباته صار يسرق وتعود على السرقه
قلت لها يامي لازم يتعاقب لكن رمت علي السبب بانني ماساعدتها بتربيته واني اتشمت فيها
انا مرره محتاره معاها انا احب اخواني واتمنى لهم الافضل لكني امي ترفض تسمع لي اشوف اخواني ضايعين لكن ماقدر اسوي شيء
دايما حجتها بانها تبغى ترتاح من هم التربية واذا صار مشكلة ترميها علي او على والدي
دايما كنت اقول باني ماراح انصحها باي شيء حتى او اوجهها حتى لو لجأت بنفسها لي لاني بجد تعبت موقادره اتحمل اكثر وحتى لو شفت الغلط قدامي لكن ماقدر اشوف الغلط قدامي واسكت
لكن الان اخذت القرار الاخير باني راح اسكت افضل لي وماراح انصحها لاني بجد تعبت
مادري هل قراري صحيح او خطأ ؟ انا بجد محتاره