امي لا تفهمنى//(تم التعديل..المشرفه)

السلام عليكم

بنات انا عمري 18 مشكلتي هي امي

تتخيلون انها تشوه سمعتي قدام الناس و المشكله ياليتني مسويه شي على اسخف الاشياء تكبرها و تسوي قصة من عندهاااا بموت من القهر تتخيلون انها تقول فلانه (أنا) قالت كذا و كذا و كذا و انا والله العظيم ما قلت هذا الكلام يعني تقولني كلام سيء و تطعلني بصورة سيئة قدام كل حد يعني انا الحين سمعتي سيئة عند الناس و السبب امي تقعد تسبني عند الناس اللي يعرفوني و حتى الناس اللي ما يعرفوني مثلا نكون في مكان عام و معانا حريم تقعد تسب فيني و تقول بنتي هذي قيها و فيها و فيها (و كل اللي تقوله تأليف) مع انه معلماتي يحبوني و يمدحون فاخلاقي عمركم شفتوا ام تشوه سمعة بنتها حتى لو انه بنتها سيئة تستر عليها فما بالكم ببنت اخلاقها عاليه شي يذبح قهر و اسلوبها جداً جداً سيء و الفاظها مبتذله انتو ما تتخيلون كيف والله انا احبها و اعتبرها اقرب انسانه لي و اخبرها عن كل شي فحياتي بالتفصيل الممل لكن تخيلوا انها تنشر كلامي و انا اموت قهر لاني ما اريد حد يعرف اللي في خاطري غيرها و على فكرة خواتها ما يحبونها و هن دايما مع بعض الا هي ما تكون معاهم الا وقت المشاكل و معروفه من صغرها بكثرة مشاكلها والله كل يوم تسمعني كلام نفس السم و كل يوم تصيحني و دايما تتضارب معاي و كلامها كلام جارح بشكل ما تتخيلونه انا محتاجه لحبها و حنانها لكن هي تعطيني العكس أنا قلتلها هذا الكلام بس قعدت تطنز علي


على فكرة لما اسألها ليش تقوليني اشياء ما قلتها و ليش تقولين اشياء ما صارت تتوحش و تصارخ و تكون على وشك انها تضربني و تقول على كيفي مالج خص هذا اللي ناقص تحاسبيني على كلامي

انا اريد ابتعد عنها لكن مشكلتي ما اقدر اكره اي حد فهالدنيا و ما احقد و بعد ما تصير اي مشكله معاها كم ساعه و ارجع عادي معاها انا اكتشفت انه البعد عنها احسن بس مش قادرة على طول انسى اللي سوته و ارجع عادي معاها

ادعوووولي الله يخليكم امي معذبتني من صغري و في وايد اشياء شنيعه ما اريد اتذكرها ما كتبتها و انا عن نفسي اسمع كلامها و انفذ كل اللي تقوله لي لكن عيبي الوحيد هو اني ما اسكتلها ,, انا ما اريد حلول لاني جربت كل الحلول الممكنه كل اللي اريده منكم الدعاء و انا دخلت افضفض بس