امي ماتناديني الا المطلقه !!!!😔

السلام عليكم ورحمه الله وبركاته
اترددت كثير عن عرض مشكلتي لكم ولكن انا تعبت نفسيا
و بديت انهار وماعاد فيه صبر وابغى افضفض
واللي يعافيكم ما ابي تجريح انا حساسه كثير و راح اتعب
والمعذره لو ما افصحت عن بعض التفاصيل حتى ما اعرف شخصيا
انا حالي حال اي بنت تحب امها و تتمنى تخدمها و تراعيها
وتكون البنت الباره. المطيعه حتى ترضي ربها ثم ترضي والدينها
انا مطلقه من فتره قصيره ومعي بنت مطلقه بسبب سحر و حسد ومشاكل لا اخر لها وحصل الطلاق و الانفصال رغما عنا و تعبت نفسيا كثير اصبحت وكاني ام 50 سنه من كثر التفكير و البكاء طليقي تزوج و مشت اموره وجاه ضنى اما انا ما زلت في بيت اهلي اتجرع الضيم و القهر والحسره ... مشكلتي مع امي الله يهديها ما تناديني الا المطلقه تخيلوا اليوم تحاكيني قدام اخوي الكبير و بنتي و اختي تقول اسمعي يالمطلقه وشًوفي يالمطلقه .. و بصوت عالي
......
و على اتفه سبب تزعل و تجلس تدعي علي و تسبني و تلعني وتقول م الوم فلان يوم طلقك ومن هذا الكلام .. حتى اخواني صاروا ما ينادوني الا المطلقه و يجلسون يعايروني بوضعي الي انا فيه
و حتى يوم كنت مع طليقي والله كانت تدعي علي بالطلاق و دايم تقارني شوفي فلانه سافرت والا انتي ماسافرتي وفلانه زوجها مدلعها وانتي لا و غيره كثيرر ' حتى علاقتي بالناس انقطعت كرهتهم وكرهت الاجتماعات وصرت انطوائيه و فاقده الثقه بنفسي ،،،، لانها تذم شكلي و تذمني قدام اخواني تقول انتي ماتبغين الناس ولا احد يبغاك و دايما تقارني ببنات عمي المتزوجات ''""
انا خلاص تعبت ويائست من الحياه احس مستقبلي ضاع و حياتي انتهت حتى عجزت عن تربيه بنتي انا احبها و احب ادلعها واعوضها عن ابوها الي متعلقه فيه و هي لسى صغيره ماتفهم ولما تبكي تبغى شي تجلس امي تقول اضربيها كف او ارميها على ابوها يربيها .....
حتى اخواني صاروا يسمعوا كلام امي وماعاد يتحملوها يقولون انتي مدلعتها
'والا يجلسون يضربونها قدامي ويعاندونها حتى تبككي و واخواني الكبار يدخنون قدامها لما نطلع بالسياره وهذا الشي ياثر علي و يتعبني نفسيا ،،،، اعطوني حل ولا تزيدوها علي ابغاكم توقفون معي و تهونوها علي ويارب ماتذقوا ماذقته ويرزقكم السعاده وين ماكانت .. وادعوا لي ارجع لطليقي على خير و يشفينا ربي ويلم الشمل ادعووا لي بالفرج القريب يارب ولكم بمثل