امي متناقضة جدا وما تبي تتوب الى الله وترجع لربها

بعطيكم امثلة
١-اذا حريم عيالها قالوا احنا تعبانين ويبون يروحون عند امهم تقوم الدنيا وتمد بوزها، بناتها الاربعينيات دائما مقابلين وجهها مع انهم متزوجات وما تقول لهم شي مع ان عندهم عيال شباب وبنات
٢-اذا عيال ولدها قالوا يبون يروحون عند جدتهم ام امهم تمد بوزها وتهاوشهم وتقول لهم كل واحد يقعد في شقته عيب عليكم تروحون للناس، انزين عيال بناتك قاعدين عندك ما قلت شي وابتسامتك شطولها
٣-شغالة الجيران اذا هجت من بيتهم قالت ايه اكيد جارتنا طقتها بس ما تبي تقول
وهي وبناتها يضربون الخدم الي عندهم مب كل الناس زي بناتك رفلات
٤- امي تحب تشوف الرفالة في بناتها وتفرح وودها تلالش <تيبب-تزلغط>اذا شافت الرفالة فيهم
بناتها متزوجات ما يعرفون يطبخون ابدا هي تفرح لهالشي، بناتها ما يستخدمون الكواية وهي تفرح واذا استخدمتها وحدة منهم بالغلط زعلت لانها ما تبيهم يتعودون على السنع
وغيرها كثير