امي متوفيه و اخوي بيتزوج... محتاجه رايكم

السلام عليكم عزيزاتي

بصراحه انا محتاجه رايكم وشوركم و مساعدتكم في موضوعي

امي الغاليه توفت من سنه الله يرحمها ويغفرلها و يسكنها الجنه.. و اكبر عيالها مقبل السنه هذي على زواج

اتفقنا نسوي له حفلة عرس متكامله (بعد مرور سنه على وفاة الغاليه) بس مافيها طق احتراما لها و انه العرس اللي كان نفسها تقوم فيه واول فرحه لها..

سؤالي او بالاصح طلبي

وش رايكم في الموضوع وكيف نخبر العروس واهلها.. وشهي افكاركم لعرس متكامل ماينقصه الا الطقطقه

و انتم تعرفون مايملا وقت المعازيم الا الطق و الرقص وهذا الشي مانبيه..

وودنا ان اخونا ينبسط في ليلة عرسه ويحس ان ماناقصه شي..

شوروا علي ترا مالي الا انتم بعد الله..