طيب قوليلها ايهم اهم عندها الشهادات ولا صحه والديها ...وذكريها ان لو جاء والدينك شي تعض اصابع الندم ..!!
بالعكس لابرت والدينها تتفتح لها ابواب ماتحسب لها حساب ... ليتنا نحرص على اخرتنا مثل دنيانا ..الله يهديها ويصلحها ويحنن قلبها عليكم ..ويشفي والدينك يارب

هي همها الحين تدرس بره
على اساس هناك ارخص .. هل صحيح الحياه هناك افضل ؟
واذا تعرفون مجال للدراسه هنا في السعوديه حتى لو بفلوس لكن بسعر معقول ومن خلاله تكمل

الموضوع واضح انه في احد يلعب بعقلها , وكل فترة يطلع بعقلها افكار جديدة ويقويها على امها وابوها , شوفوا مين صديقاتها ومين تكلم , جلسوها بينكم وفهموها الوضع انه لا وضع مادي يساعد ولا وضع اجتماعي يساعد ,
وبنظري تشغلوها بشيء الحين , يعني دبرولها وظيفة وقولولها ادرسي واشتغلي وتخرجي من هالجامعة بعدها سافري برة الحين مايقبلون فيك وفلوس على الفاضي وتبدين من الصفر ,

المفروض انها تكون اكثر مراعاة ماهي صغيرة للطيش الي تفكر فيه , اقل الايمان قولولها لا جاك نصيبك خذيه وادرسي برة

المهم انتم ماتتركون الحمل على امكم وابوكم اهتموا بالموضوع اجتمعوا الاخوان والاخوات كلموها زوروا امكم وابوكم اكثر لجل هي ماتضغط عليهم وتستغل انه محد يقدر يمنعها

كلمناها مااانفع تهدئ شوي وترجع لنفس الفكره .. ومن وين نجيب لها وظيفه ؟ هذا انا هنا اسأل اذا احد يعرف حل تشتغل مثلا وهي في البيت عشان تقدر تدرس وتكمل بالكليه او اذا فيه جامعه تقبل فيها عن بعد

اول شي بما انكم كلكم متزوجين ومابقي غير هي لا احد منكم يحاول يقنعها الا اذا كان مستعد انه يقدم مساعده
يعني لو مثلا تساعدوها بأقساط الكليه لو كل واحد منكم يدفع مبلغ بسيط ومن ابوكم شويه وتتناوبون على خدمة امكم وابوكم عشان تريحوها شويه وبكذا تنتهي المشكله

اما مجرد تقولون لها لا مافي روحه وماينفع ومدري ايش ماراح تسمع لكم لأنها تفكيرها الحين انكم شفتم حياتكم وعايشين وهي محبوسه عند امها وابوها تعتني فيهم عشان كذا فكرت تدرس برا
قولولها كملي دراستك بالكليه وراح نساعدك بالاقساط ونساعدك كمان في البيت وقت الاختبارات والمذاكره
وبعدين سالفة انها تحب كل من هب ودب هذي بسبب ان ماعندها احد يهتم فيها وينتبه لها ويخرجها وهذي المفروض تكون من اخوانك اول شي بعدها انتم
لانكم انتم بنات ومربوطين بأزواج وصعب انكم تسيروا عليها كل شويه لكن اخوانك يقدرون كل يوم واحد يمر عليها ويسلم ويجلس معاها يسولفوا او ياخذها ويمشيها شويه
وقولي لأخوانك لو كانوا مايهتموا فيها ان هذي امانه برقبتكم وراح تنسألون عنها لو ضيعتوها
وبعدين يا اختي من متى كانت الحياه في الغربه افضل وبالذات لبنت ضعيفه تتعلق بأي احد حرام والله تخلوها تروح لحالها وانتي عارفه ضعفها