امي مسكينه

السلام عليكم...كيفكم بنات اليوم يابنات زوجي يقولي ان ابوك ساحب عليكم ومايسال عنكم ويزتهز فينا وقبل فتره فيه وحده من الحريم تقول ليش ابوك طرد امك من البيت و اخوي قبل فتره يقول يبغى يتزوج وحده زي امي ساكته وماتطلب حقها او على الاقل زيك انتي واخواتي مالكم سند نسى انه هو اخوي و المفروض انه سندي بالحياه احس نفسي اني متضايقه على امي طول عمرها حبيبت قلبي صابره على ابوي من لما كنا صغار مايجي الا زياره خمس دقايق وكلها مشاكل صراخ اتذكر مره لما كنت صغيره جلس يهاوش ويقطع ثوبه تخيلو كيف كان وقح معها وهي حياتي ماكانت تقول شي وابي على شينه قوة عينه الله لايوفقه غيره كان اخلاقه زي الزفت معها مايصرف مايصرف علينا ومسكنا في بيت شعبي غرفتين مادري كيف كانت تصرف علينا مادري كيف كنا عايشين لما كنا انا واخواتي نطلب منه مصروف يقول ماعندى واذا قلنا كيف تصرف على الثانيه يقول اهلها يصرفون عليها وامي طلعت من البيت لانها ماكانت ترتاح تشوف كوابيس و قلقانه ان البيت يطيح علينا استاجرت شقه صغيره لها ولاختي طلبت من امي ان تطلب الطلاق من ابوي بس امي رفضت تقول قد صبرت 30سنه عندي ربي ياخذ حقي منه بالدنيا وفي الاخره...امي مسكينه طول عمرها صابره عليه واخواني واقفين في صف ابوي ضد امي واهل زوجي و الناس احسهم ضد امي...امي مسكينه طول عمرها عايشه في هم مع جدي و بعدين ابوي والحين اخواني مااشوف احد يدافع عنها مع انها طيبه كثير وحنونه وجميله وكل الزين فيها مااقول الا حسبي الله و نعم الوكيل على ابوي واخواني وكل احد يقول عن امي كلام موفيها...احس مالي سند بالحياة لا اب ولا اخوان والحين زوجي مااحس بالامان معه كثير من الاحيان افكر أطلب الطلاق صحيح ان زوجي مو عصبي بس مايصرف علي والبيت طول السنه فاضي والثلاجه مافيه شي تقدرو تقول عنه بخيل في كل شي بالصرف و الحنان وحتى كلامه معي قليل و غير كذا اي احد يضايقني ينبسط منه ودئما يكذبني مع اني الحمد لله مااكذاب ومااثق فيه احس الدنيا ماعاد فيه رجال كلهم لا ابي ولا اخواني ولا زوجي اخاف اصبر عليه. ويكون مصير زي امي حبيت قلبي ياروحي يامي الله ياخذ حقك من اي احد ظلمك...اسفه يابنات كلامي ملخبط بس مقهوره على امي.