يمكن أنت تسوين كل الشغل إلي عليك بعصبية و حتى ماتقعدين تسولفين مع أمك و تضحكين معها و هالشي هو إلي مزعل أمك
أنا مدري بس أقول يمكن أنا حسيت إن هذا السبب و حبيت أقوله لك عشان تتفادين أخطائك و يمكن إحساسي غلط

الله يوفقك يارب و يهدي أختك

يمكن امك ماتبي تكسر خاطرها لنو هي متزوجه انا متاكده لو انتي متزوجه وعايشه برا البيت بتلاقين امك تعاملك نفس معاملتها
ي حبيبتي انا امي تدعي علي وتسبني وكل شي تقوله لي ومع كذا ماشكيت ولا واحد بالميه انها تكرهني
ولما تزوجت عرفت قيمتها اكثر واكثر وربي انو هذي الام عظيمه مهما قست او مالت ل احد اولادها
بالعكس مافيها شي اذا تحبها اكثر المفروض يزود غلا اختك مهما شفتي منها الدنيا ماتسوى وربي
حالتك تذكرني بنفسي كثير لماتزوجت عرفت خواتي وامي هم الاساس وبس


استغفرالله واتوب اليه♥

الله يفرج همك ويصلح اختك وينور بصيره امك اللي يمليه عليك ضميرك سويه ولا تأنبين نفسك وامك لا تزعل واذا كان لا بد صارحي اختك وفهميها الوضع

اختي متزوجه وتجي عندنا كل اسبوع من الخميس للسبت و احبها واغليها والله ان علاقتنا قويه

بس عيب واحد فيها اولادها ازعاج ويحسون وفوضى لدرجة اذا مثلا مخططينا نصلح شيء ناجل عشان اولادها مثل الحين اضبط غرفنا وامي اجلت كل شيء للاحد عشان اولاد اختي الله يصلحهم انا بايام الاسبوع مافضى تعب جامعه ونوم مايمديني

اختي بالعكس ماتقصر بالبيت اذا جاتنا تساعد وتطبخ وكل شيء بس اولادها ماعليش دمااااار

كنب صالة الحين برجع اغيره او انجده وهو مامر عليه غير سنة ونص تدمر منهم التحف الطاولات راحت عدم منهم

وامي تزعل اذا مثلا قلت ليش كسروا وليش صلحوا انا ماعلي للامانه اهاوش واضربهم اذا غلطوا لان شيء غير طبيعي الي يصير
اختي عادي عندها تقول غلطوا اضربيهم

انا صريحه مع اختي وهي بعد اي تصرف مايعجبني اقول ولا علي

بس اختي الايام ذي ماش يعني شوي لان انا صرت اجلس بغرفتي ولا اجلس معهم

وامس طلبوني اصلح حلى قلت لا ماراح اصلح وشوفي كيف امي هاوشتني

امي وابوي الله يخليهم يهزءون ويشرشحون وحنا كبار عشان الصغار عيال اختي
ذاك اليوم امي تهاوش فيني وتدعي علي عشان بنت اختي !

طبعا انا رحت غرفتي وماتكلمني امي ولا اكلمها يوم راحت اختي لبيتها وجلست لحالها امي وروقت وهدت اعصابها لقيتها جاي تقولي تعالي تقهوي معي

انا الحين قلت لاختي المتزوجه ترا دولابي خلااص الملابس والاغراض الي فيه لي لاحد يتعرضها طبعا انا تكلمت بالعموم لها ولخواتي الباقيات

لان الله يهديها اختي زوجها يعطيها الف الفين تقضي ماتشتري تشتري للصغار ! والصغار امي بعد تشتري لهم

كم مره انصحها اكشخي اشتري تقول ماعلي انتي موجوده ! ذاك اليوم قلت ملابسي لي ماهي معقوله الناس يشوفونها علي وعليك خاص ان نفس الناس نروح لهم والجماعه لو مثلا تلبسها عند صديقاتها اهل زوجها عادي عندي لان ماحد بيشوفها علي وعليها
زوجك يعطيك مايقصر ومخليك ع كيفك بالسوق خلاص اشتري لنفسك وراحت شرت لنفسها

نصيحة غرفتك لاحد يدخلها نهائيا
بتزعل اختك كم يوم وترضى من حالها وتجي تكلمك عادي

امك راضيها لازم
اسفه طولت بس لان نفس المعاناه من اولاد اختي

الله يعينك