امي منتفخه علي والسبب الشغاله واختي بعد تعصب علي

سلام بنات
انا عندي شغاله فكل شي شغلها مرتب وزين لكنها اذا غلطت ما تحب ابدا اني اكلمها ع طول تقلب وجهها.. وطبعها الاخر انها تحب تغتن بيننا.. انا واهلي واهل زوجي احسها تحبنا نعيش فمشاكل ومحد يحب الثاني اعوذ بالله منها.. المهم هذي راحت لامي نقلت لها انها شافت فغرفتي كاوكاو وعطيته لولدي مع اني ما عطيته ابدا وعصبت امي علي وهاوشتني مع اني قلت لها والله ما عطيته كاوكاو.. وقالت اذا صار فيه سكري وانتي السبب وووو قدام الشغاله تهاوشني وهي مبسوطه.. مثل ما فرحت لما ام زوجي هاوشت شغالتها جات تعلمنا وهي مبسوطه وتضحك..
الشي الثاني اختي بسرعه تعصب وع اتفه الاسباب.. امس رحت اصلي وولدي جالس مع اختي وهي جالسه ماسكه تلفونها وهو خرب القنفه قدامها وهي ولا حست.. ولما جيت وشفت الوضع قلت لها ما شفتيه؟!! قالت وليش اشوفه وهذي تربيتك ووو وخذيت عيالي ورحت عنها الغرفه الثانيه وقالت يالله يالله ذلفي روحي وانا ساكته عنها.. وايد صبرت عليها وهي ما تحترمني وانا اكبر عنها حسبي الله ونعم الوكيل..
والحين هي وامي كل وحده بسبب منافخات علي.. من امس منافخات واليوم ما رحت بيتنا.. ان شاءالله الثلاثاء بروح ولكني اعرف بحصل الوضع نفسه واسواء..
بالله عليكم انا غلطانه بشي؟!!