امي مو راضيه .....

الأسرة والمجتمع

يابنات انا جاني واحد يقرب لي بس هو اصغر مني ب 3 سنوات ..امي بالمرة رافضه ما تريدني اتزوجه هالشخص مع انه والدي واخواني الكل يمدح فيه ...وهو طيب وهادي .. البارحه اهله جوا وخطبوني وعطوا ابوي 3\4 المهر
وبعد العقد بيعطوني الباقي ... يابنات امي مو راضيه .. شو اسوي .. حسستني اني لما وافقت على الولد كني عملت جريمه لا تكلمني .. وتقول انتي ما خذتي رايي .. مع اني قبل ما اكلم الوالد اوقوله اني موافقه كلمتها وقلت لها اني وافقت وهي تفكر اني امزح معاها وطنشتني والحل الحين كيف اراضيها .. مرات اقول برفضه .. مع اني صليت الاستخارة كثييير ... كملت شهر وانا اصلي الاستخارة .. قلت بتوكل على الله وبوافق سبحان الله يمكن هو من نصيبي ... مااعرف الان كيف اتعامل مع امي وكيف اراضيها :(

للعلم انا عمري 26 وبدخل قريب ال27 ،، وكنت مالكه قبل بس انفصلت ادعولي يابنات وادعوا لامي ان الله يهديها وتوافق ويتمم علي على خير :(
20
2K

يلزم عليك تسجيل الدخول أولًا لكتابة تعليق.

تسجيل دخول

ام كوشة
ام كوشة
استخيري مره ومرتين وثلاث وان ارتحتي ربك بيتممها عليك
هي مارفضت كذا عبث رافضة عشانك (تشوف شي ما تشوفينه)
ويمكن شافتك متسرعة عشان قصتك السابفة
انتي ادعي ربك يحنن قلبها عليك ودايما حاولي تكلمينها وتسولفين معها لحد ماترضى وحتى لو ما ردت عليك حاولي كذا مره
الله يوفقك لما يحب ويرضى
دلع العبدالله
حاولي تعرفين منهاا ليش رافضته ؟ واذا السبب مومقنع خلاص توكلي ع الله وتزوجي وامج يجي يوم نرضي اذا شافتك سعيده

الله يتمم لج ويسعدج يارب ويرزق بنات المسلمين
بسمه حياتي
بسمه حياتي
الله يسهل امرك ويصلح حالك مع امك ويكتبلك اللي فيه الخير
UMmonah
UMmonah
ما اتوقع أمك ...............ما تبي سعادتك
اسأليها واعرفي منها ليش ما تبيه ...............واذا الولد ما فيه شئ ينعاب افضل انك تتزوجينه
رحالة للأبد
رحالة للأبد
الله يفرج همك يا رب ..

اجلسي مع الوالدة .. سوي لكم كوفي و لا شاي منعنع او اي شي هي تحبه .. و اجلسوا سوى .. و سولفوا ... بس بكل هدوء .. و اشرحي لأمك وضعك ..

و خليها تقول اللي عندها .. و خلي اللي بينكم نقاش و حوار ..


و الله ييسر أمرك ..