ممكن تكتبين رسالة واتس انك ام فلانه وهذا رقمك للطبخ البيتي بمنطقه كذا واذا زوجك يقدر يساعدك بالتوصيل لأماكن قريبه اكتبي حدود المناطق اللي تقدرين توصلين لها وتكتبي الانواع اللي تسويها مقبلات سلطات كبسات صواني ايدامات حلا اكتبيها بالتفصيل وبجنب كل صنف  قيمته
ممكن تعلينين عن مفرزنات لرمضان وتستقبلين الطلبات وبعدين تبدأين فيها مثلا سمبوسة بأنواعها 
وطوري نفسك من الانستقرام طرق ووصفات حلوة وكمان الاشياء الميني سوقها ماشي مره ميني بسبوسه ميني كنافة ميني تشيز كيك للجمعات والحفلات 
وتفنني في طريقة العرض والتصوير 
ممكن تتكفلين بتجهيز حفله او عشاء وتفنني في طريقة التقديم هذا اللي يهم الناس اليوم 
ممكن فكرة حلوة كمان تجهيز سلة فطور دوري في الانستقرام وتلاقين مثل هذي الفكرة تحتوي ثلاجه شاي وحليب واجبان وخبز وزيتون ومخلل وممكن قهوة وحلا اللي يطلبونه سويه
والله يفتح لك من حيث لاتحتسبين.

طيب ليش ماتجربين تسوين في بيتك حضااانه ..هو صح الحين مو موسمه .. بس على السنه الجايه سوى غرفه لك زي غرفه خاصه للاطفال واشتغلي .. راح يجيك مبلغ كويس ..:2thmup:

حبيبتي حسابي مو فاضي يمكن انتي غلطانه 

انا امس سويت طلبية مقلوبة رز نص دجاج مع رز لشخصين ب 30 ريال 😁

وقصدي منطقه بعيده انه اهلي وعارفي مو معي 

وعليك بالاستغفار والتسبيح وانتي تشتغلين وربي يسهل عليك ونصيحه لاتضيقين صدر امك قولي الحمدالله فكرت اني اسوي اعلان فقط ما استقبل الا قدر استطاعتي وارتحت وبالعكس احس بنشاط وتحسنت نفسيتي اول بس تفكير وحالتي النفسيه والجسديه سيئه وبكذا تحلين المشكلتين تخففين من تعبك وتفرغين لعيالك ورفض امك بالموافقه وربي يسعدك ياحي وياقيوم