امي مو طبيعيه ساعدوني

السلام عليكم
القصه خاصه لصديقه وبتشوف كل ردودكم البنت بامس الحاجه لنصايحكم

طبعا بقولكم قبل ابدا اللي بتقول هاذي امك كيف تقولين عنها كذا بقولهم ارجعي عن موضوعي
مايحس بالناس الا واطيها انا ماسبيت امي ولا كتبت فيها شي انا بفهم شي واحد وهو بشرح حاله امي
ونفسيتها وابيكم تقولين لي بشي ممكن اقدر اساعدها فيه بشي اغيرها
امي من لما كنت صغيره عمري 15 تقريبا للاسف للاسف وبكل صراحه عقلها كانها مراهقه
يعني كانت تتابع ستار اكاديمي وهي عمرها قريب 45 وتصوت للمشتركين خاصه العيال
وبعد ماخلصو للاسف تتواصل معهم على ايام الماسنجر وشفت لها محادثه بكيت من قهري تقول لواحد متعرفه عليه بالمنتدى
كلام حب ولاعبه عليه ان عمرها 28 ومطلقه
هاذي غير الغيره والسيطره اللي عايشتها امي للاسف اقولها لكم تبي تكون هي محور اهتمام الناس يعني متخيلين
ان امي تغار من اختها لحمها ودمها وتفرق امي بين اختها وخواتها الثانيات من الغيره منها وتتكلم فيها لدرجه تتمنى زوج خالتي يطلق خالتي اللي هي اختها
الى هنا ممكن تقولون الله يعينك وياكثر الامهات اللي كذا
المشكله بعد مرور اكثر من 10 سنوات يعني هي الحين عمرها 55 زادت بالحركات
اخر صدمه لي قبل يومين لقيتها مرسله لواحد مشهور بالسناب انا احبك واموت فيك وانا من اشد متابعينك
ومرسله لثاني على ايام ستار اذا مارديت علي بذبح نفسي وانتحر وانت السبب
الان زي ماقلت لكم عقلها الى الان عقل مراهقه وعمرها 55 ماتركت هالحركات
لدرجه تشك فينا انا وخواتي تقول ليش ماتبون اشوف جوالاتكم اكيد فيها البلاوي والله قلت كلن يرى الناس بعين طبعه
ليتها جت على كذا غيرتها وصلت للمرض وحب السيطره فيها وربي احس بيجي يوم امي بتصير مجنونه
وربي انها تسوي حركات وربي يابنات انا ماستوعبها مستعده تذلنا تهيننا عشان بس تكون محور اهتمام الناس
وحركات التفرقه بين الناس اللي مع بعض تسويها امي جالسه خاصه مع اعمامي تكرهه مرت عمي وتحاول تفرق بينها وبين عماتي
لان عماتي كانو معطين امي اكبر من حجمها ولا ادري كيف كانو متحملين سيطرت امي لدرجه التحكم فيهم ولما جت مرت عمي اللي قبل 10 سنوات تزوج
وهي طيبه صارو عماتي يغلونها ويحبونها وامي انجنت متخيلين اذا جيت ابكي عندها اقولها يايمه شدخلك بالناس كلن حر بنفسه ليه تروحين تسبين
مثلا اقولها هالكلام بهدوء واحنا جالسين نتقهوى وربي مادري الا فجاه تبكي كان ميت لها احد وتمسك الصينيه والدله ترميها بالجدران بالموت نمسكها انا واختي
ونهديها واحيانا اعصب اذا شفتها بهالمتظر واقولها انتي مجنونه مريضه نفسيا هذا كبرك وتسوين هالحركات الصياح والنحيب والتكسير على اشياء تافهه
ورب اقولها هالكلام من قهري شي يابنات مو طبيعي اللي جالسين نشوف انا واخواتي انا كبيره واراعي ان فيها شي واعتقد اكتئاب
لان طول الوقت جالسه مقابله التلفزيون وكانها بعالم ثاني ولا تبي تهرجنا ولا تكلمنا اذا نادينها ع القهوه تصنم ع الجوال اذا قلنا نطلع
قالت انقلعو عن وجهي فاضين انتم وتجلس تسب وتلعن اذا سافرنا تجلس بالشقه وترفض رفض قاطع تطلع تتمشى معنا
تكرهه ابوي وبس تتافف بوجهه مع انه طيب وعلى نياته ويصرف بالهبل عليها ويسلمها شهريا الالف
واذا راح عطاها ظهره تكش عليه وتسوي حركات غريبه انا ممكن كبيره اتحملها لاكن خواتي اللي بالمتوسط جتهم عقده منها
امي متعلقه بالناس فوق الخيال وتبي الناس يضلون معها طول العمر تنجن تموت اذا تغيرو عليها زي عماتي ماتغيرت حالتها الا لما صارو عماتي يسحبون عليها
كم مره اقولها يايمه الناس مافيهم معروف كل ام همها نفسها وعيالها ليه انتي مشغله نفسك فيهم تقولي مالك دخل
اخر شي قبل يومين اكتشفت انها مرسله سب لعمتي وانها منافقه ومادري ليش مع ان عمتي ماتستاهل وعلى نياتها
بس امي قاهرتها عمتي لانها تحب مرت عمي الثاني وتحب بعد امي بس امي تشوفها دايم مرت عمي فمرسله لها
انا عصبت على امي وبكيت بوجهه قلت خير وش تحسين فيه فشلتينا عند الناس واقاربنا ترسلين رسايل لعمتي وبناتها سب
مادريت الا اقسم بالله كنا خلاص على وقت غداء مسكت الرز كبته كله باقوى ماعنده رمت بوجهي كاس كسرت الصحون وتصارخ وتبكي
وانتم بكرامه تتفل علينا وتقول ماحد له دخل فيني اسوي اللي ابي ولا اشوف وحده منكم مقربه جوالي اقسم بالله صرت احس اني
اتفاهم مع وحده عقلها فيها شي ماتتفاهم معها على طول صراخ وتكسير وصياح مع ان لاحظو الناس ماضرونا لاكن امي بتمشي كل الناس على مزاجها
واذا ماقدرت قامت تسبهم وتستفزهم بحركاتها ورسايلها لهم بالواتس
تكفون بنات ابي حل قسم مادري ايش اسوي معها امي زادت اكثر من اول بكثير لدرجه اختي لما شافت هالموقف
وشافت كلام امي لعمتي واختي بزر بالمتوسط قالت امي اخرتها بتنجن حركاتها وتصرفاتها تصرفات وحده مو طبيعيه