امي نرجسية وأنا تعبت

السلام عليكم حوائيات
احتاج نصيحة ورجاءً لحد يقول هذي امك والام والأم لأن مب كل أم أم ، في نوعية تجردوا من كل معاني الإنسانية والرحمة .

أمي شخص نرجسي متحكم يا تجين في شورها يا انتي بلاك لست ويا ويلك من غضبها ،،، هدمت فيني أمور كثيرة سواء بالشخصية أو بالثقة بالنفس وتعبت نفسياً وماودي ادخل في تفاصيله لكني أعاني منه لليوم ( مارحت لطبيب نفسي لكن خذت استشارة وتبين انه يحتاج له علاج سلوكي لكنه متعب جداً ).
حطيت كل أملي انها تتغير لكن الدعاوي مستمرة وبأبشع الانواع ، كل مالها تزداد سوء ، عمري وصل 27 وللحين تمد يدها ، وانا ساكته ما بيدي شيء ، الخوف من الله رادني عنها ، ايش اسوي ماهي حد غريب ابعد يدي عنه في النهايه هي امي . كلمتها مره واثنين وعشر ما فاد كل مالها تزداد بطش . حطيت أملي كله بالزواج ولا جاني النصيب للآن ، اللي أبغيه منكم تحكون لي كيف أتعامل مع النرجسية اللي بأمي وكيف أقدر اعجل نصيبي بعيداً عن الخطابات ، سمعت عن الصلاه الإبراهيمية لكن ما اطول فيها اسرح كثييير ما اركز وهي لازم تكون بيقين وبال حاضر ..

مافي حد يقدر يكلمها من اهلي لان الكل يعرف انها أصعب خلق الله ، ودايماً نظرة الاقارب لي نظرة رحمة لانهم يعرفون مقدار سوئها .

عطوني نصايحكم لاني تعبت وهذا جزء من قصة طويله لكنها مختصرة علماً ان أنا الوحيدة اللي تعاملني بهالطريقة باقي خواتي عسل وكأنهم صاحبات لانهم سمعاً وطاعة لها في كل حاجة غلط صح ، حتى تخصصاتهم ودواماتهم هي اللي اختارتها لهم ..

ايش الحل ..