امي وابوي

السلام عليكم
امس كنا في البيت انا وابوي وامي واخوي
كان اخوي قاعد مع ابوي يسولفون لانه اخوي متورط بمشكلة مع شركة تمويل ومضيع راتبه ويطلب مساعدة ابوي لانه بقى عليه مبلغ لهم
جات امي على طول الله يهديها بدت له موال فاشل كذاب وقعدت تقارنه ب اخواني من ابوي وعيال عمي وعمتي وذولي مزبطين امورهم وعايشين ملوك وكل واحد جيبه بينشق من الفلوس روح شوف نفسك ياغبي ويافاشل ومدري مين بتقبل فيك وتتزوجك وانت غبي وفاشل حاولت اسكتها تسكت شوي وترجع تكلمه وكلامها كله جارح لافيه نصيحة ولا شي كله معايرة وتحطيم نفس
نكدت عليه الليلة ذكرته بكل شي وذاك مثل البركان انفجر فيها صرخ صوت وصفق جواله بالجدار وطلع برا البيت معصب
رجع لها ابوي قالها صوتك زعجني وامي تصرخ وهو يقولها صوتك زعجني حتى قام بيضربها هو الثاني وصار يعصب من جو البيت ومعاملتها للولد ويقولها والله ما الومه لو كان عاق فيكي وتستاهلين عساه يوريكي نجوم الظهر وحلف عليها طلاق بالثلاثة اذا مارجع اخوي الان بعد ساعتين غير انها مطلقة وطاردها من البيت بالليل والحمدلله رجع اخوي وابوي معاه بس موطايق امي نهائيا وراح نام بروحه بشقة