امي وابوي الى متى .....ادعولي بنات

السلام عليكم روحمة الله


بنات انا عندي مشكله من نوع خاص مدري من وين ابدأ فيها والا من وين طويله عريضه ومعقده لكن مالكم بالطويله بأختصرها لكم
احتاج رأيكم بالموضوع
احتاج لكلامكم الطيب اللي يخفف عني بإذن الله والله العظيم تعبانه ومدموره نفسيتي واحس بالوحده والوحده نفسها دمار
اشكي همي لله وحده سبحانه لكن انتم بعد الله الناس للناس والكل باللـــــــــــــــه
اللي بتجرحني او بتقسى علي (اترجاها لأن القلب مجروح يكفيه اللي فيه ) فلا تستأثم فيني !




سالفتي ومافيها

اني عشت بين ابوين من طفولتي ..مشاكل وخصومات وطق وصراخ ودموع .....من عرفت الدنيا !!

تخيلوا تأثرت نفسيتي تأثر كبير من مشاكلهم

عندي اخوان اخوات كلهم متأثرين

لكن انا وواحد من اخواني اكثرهم تأثر

صار عندي قولون عصبي من بدأت مراهقتي وقلق وتوتر وخوف ثم صرت افشل في دراستي ثم فصلت

كلها بسبب مشاكلهم


ابوي ظالم لامي

وش اقول بعد ....كان مو مقتنع في امي وعينه طويله وحق لف ودوران (شي اذلني واشعرني بين الناس بالنقص والخذلان )
اذكر مواقف مخجله له ....الله المستعان

عشان كذا مبهذل امي بعيشتها


انسان عصبي جدا ومتهور وشرس جدا وشكاك ....

امي كانت مسالمه طول عمرها تاكلها وتسكت علشاننا

كبرنا وكبروا وصارت اعمارهم بالستينات والسبعينات وهم على اسوأ حال


ابوي رجع لله ويصلي الليل كله بين القرآن والصلاه

وامي برضوا


لكن مشاكلهم اشتدت

ابوي انسان شكاك بقوووووووووووه ومتهم امي باتهامات باطله احسه مثله مثل السكران يجيه هواجيس وعلوم

طبعا فيه مس ومتعبنا معاه


امي انسانه تغيرت ميه وعشرين درجه

صارت شرسه
وضد ابوي
وتكرهنا ياعياله فيه
وتظهر فضايحه
وماتحترمه ابد
وصارت مشكلجيه
حتى مع اقاربنا
تحب الشر
وتحب سوالف الشر
وتكبر الامور
ولاتسامح ابد
وجلساتها كلها سوالف وقصص مشاكل وخصومات
تبكي كثر
وتندم كثير
وحالتها النفسيه سيئه


كلنا تزوجنا ياعيالها ولله الحمد ماعدا واحد
بقي عندهم بالبيت
جننوه بهذلوه كل واحد يحاول يكسب اخوي صوبه

كل واحد يحرضه عالاخر

اخوي انقلبت نفسيته وصار عصبي ومشكلجي وشخصيته تشبه شخصية امي


اخواني واخواتي متحملين شوي وعندهم صبر ونفسياتهم شوي احسن


بس انا واخوي هذا اكثرهم تأثر


انا اذا قابلت امي اتعب منها لانها بس ماتسولف الا بالمشاكل ولاتسامح وصوتها دايم مرتفع ومتوتر من كلامها احس باليأس من الحياة والاحباط ومهما احاول اتكلم معاها بهدوء ماتقتنع ولاتهدأ ومتهوره وتحكم على الناس ومكتئبه

تروح من عندي اجلس اسبوع كامل تعبانه نفسيا ومعصبه ومكتئبه منها ومن ابوي


جتني قبل 3 ايام يابنات ونفس الحال صرت بس افكر بكلامها ووساوسها ومشاكلها طبعا بينها وبين ابوي مشكله كبيره جدا ماتطاق وتفكر بالطلاق منه

قسم بالله يابنات صرت مكتئبه

وصرت انطوائيه ولاابي بيتي ولا احد من اهل بيتي

وصرت عصبيه بمووووووووووت من التعب القولون و

وبس بغرفة النوم اكل اكل خفيف وانام

متوتره ولااابي اتصالات ولاجيات ولاروحات

موسوسه ولاافكر بغير ذالبلاوي بين اهلي


بنات انا تعبانه ولالي مهرب من اهلي
تعبتني مشاكلهم


مششاكلي في حياتي بدونهم متعبه ومو ناقصه اهلي بس ماكو فكه ماادري وين اروح

انا انسانه مارزقني الله بعيال من تزوجت قربت ال 10 سنين

واهل زوجي مو عاجبهم وضع ولدهم كذا مره يكلموني


بنات ملتفه علي من كل صوب


يارب لطفك وفرج قريب

لو ماهو حرام الانتحار كان انتحرت كذا مره اناظر الدريشه افكر ارمي نفسي منها وارتاح


يااااااااااااااااااااااااااااااااااارب ارحمنا برحمتك







شوروا علي شسوي مع اهلي ومشاكلهم
اقطعهم !!!!!

مهما اتكلم معاهم اني اتعب مايحسون فيني


شالحل ؟؟