السلام عليكم خواتي ويشهد علي ربي اعتبركم خواتي
بالله بنات ابغى منكم الراي الصح موضوعي هذا بقراه لامي
بستشيركم هالمره فموضوع يخص الوالد والوالده
لهم ٢٦ سنه تقريبا متزوجين فالسنوات الاخيره مشاكل بشكل فضيع ابوي سب وشتم صح كان عصبي بس مو لذي الدرجه
امي عمرها ٤٣ يعني مو مره كبيره بس مو مهتمه ابدا انسانه عاديه واهم شي عندها الجارات والزيارات
ابوي عمره ٥٠ يمكن او اقل حتى عصبي يسب ويشتم ويصرخ ويكسر لازعل
فجااااااااه صاروا ماعاد يطيقون بعض ماصار يشوف امي شي يحطمها ويسبها بخيل عليها ولا يعطيها فلوس ولا مصروف ولوطلبت ملابس يعطيها شي بسيط زي ١٠٠ ويطالبها فالباقي يعني مضيق عليها مره وماكان كذا من خمس سنوات صار كذا وكل ماتكلمت امي فشي يقولها انتي منتي عارفه شي عيالك مايحبونك اخوانك مايزورونك يعني كسر مجاديفها من كل النواحي لو تزاعلو يجلس بالاسابيع مايكلمها لين هي تحاول فيه وتكلمه
باختصار ابوي ماعاد يعجبه شي فامي ولايسولف ولا يتقهوى ولا يجلس معاها مستواه التعليمي جامعي وهي متوسط وشايفها ماتعرف شي
امي مره تعبت وتغيرت وبس تفكر مسكناها انا واختي يمه طنشيه انسيه لاتجادلينه تقول طيب ولاجاء تكلمه وتراضيه عادي
والله الوضع متازم جدا
لدرجه نمت قبل اسبوع عندهم صحتني اختي فالمتوسط تبكي صحيت ع صوت صراخ وتكسير حاجات ادخل عليهم الغرفه وانا مفجوعه لقيت المرايه متكسره والعطور وامي جالسه وهو يصارخ ويسب
ماعاد صار فيه الفه وموده بينهم والله ماكانو كذا
بس فجاه انقلب
وشششششش معنى ذي الحركات انا فسرتها بشي واحد انه بيتزوج وبس
وقلت لامي قالت لا مستخيل يتزوج
بس واضحه شده ع الفلوس ومي عاجبته معناته يفكر فزوجه جديده
واصلا واحد من اصحابه كل شوي يعرض عليه بنته ولا اخته طيب يخربون بيت انسانه غافله ليه
ولا هي الحياه الزوجيه تصعب مع مرور السنوات ولاكيف
انا واختي صرنا نتجمع ونتكلم فالسالفه ونبكي زي الاطفال
واختي االلي فالمتوسط والجامعه نفسياتهم تعبانه خاصه اللي فالمتوسط تجي عندي تبكي تقولي بالله بنام عندك
المشكله ابوي اخلاقه الكل يشهد فيها حتى زوجي يقولي خطبتك عشان ابوك بس مع امي لما يعصب ينقلب وحشش ومايعاملها لاباخلاق ولا باحترام
امي ع طول تشكي لي ولا ادري وش اقولها
ولما اقولها كلمي خالي يتفاهم معه قالت لا من زمان صابره والحين اجي اتكلم وافضح عمري

حلاوي~ @hlaoy_13
عضوة نشيطة
يلزم عليك تسجيل الدخول أولًا لكتابة تعليق.




عادي يااختي كل بيت فيه مشاكل حتى انا ابوي مايغازل امي زين ويعاندها ويقهرنا بخيل جداً معنا ومع الناس إنسان ثاني سواليف وضحك وكرم اه بس من يوم كنت صار صغيره تعبانه من مشاكلهم الله يسخرهم لبعض حنا الفرق انهم من زمان كذا انتي مستغربه لانه ماكان كذا شغلي سورة البقره يوميا بغرفتهم وادعي ربي يسخره لامك
الصفحة الأخيرة
وتشكي له همها
الله يهدي ابوكِ ويهديها ويسخرهم لبعض يارب