امي واخواتى والحسد..//تم التعديل..

ابيكن تحكمن يابنات ع امي؟؟؟؟؟
امي من كنا اصغار وهي لاتزينن خواتي وجلسن عند الحريم قالت قومي وش يجلسك تبين العرس :39:
ومن يوم كنا اصغار ممنوع الروحه للزواجات والمساير واذا رحنا بهواش ومناقر غير الدعاوي اللي تلحقك وربي نموت قهر البنات يحكن عن الزواجات والروحات وحنا مقهورات انحبسنا بالبيت لين ملو خواتي وانعزلنا عن الناس وماصارن يهتمن بشكلهن
غير انه تنقل سوالفنا لخالتي وبناتهن وربي بس تضحك علينا :hahaha:وتنقل سوالفنا بس همه ترضي خواته وبنات خواته
نتيجه هالشي خواتي عنسن وحده عمره 36 والثانيه 34 والثالثه 30والرابعه26وانا23 انا الوحيده من كنت صغيره اكشخ واحاول مابين لناس ان عندنا نقص واللي دايم يستضعفونا ودايم احاول بالمدرسه اكشخ واضحك مع استهزاء امي بي <<من تزينين له وليش تعطرين وليش وليش وتعليق ع اللبس وغيره الين مادخلت الكليه ومرضت وصابني مرض جلدي ومادريت الا خالتي تسالني عنه مع اني محذره امي ماتقول وخالتي الثانيه في احد المجالس قالت بنتها لامي ليش ماتزوجنا بنت قال لا اعوذب بالله فيها مرض وامي الصبح قبل لاروح الدوام قالت للي السالفه بالله في ام تقول لبنته كذا وتقوله ع انه سالفه عاديه بعد :(
وامس اخوي وافق يودينا لاختي ووقفت بوجيهنا ماتروحون وش السبب يمه طفشانات قالت لا وش يطفشكن طول الاسبوع مدومات تدرن وين نداوم حنا نداوم بمستشفى يعني وين الوناسه حاسدتنا ع المستشفى وصرخت بوجهه قلت لو خايفه علينا امشي معنا ولو خايفه علينا ماخليتنا بوسط الرجال في المستشفى وحتى رفضه انا نروح مع سواق لاي مشوار عادي اروح مع السواق للشغلي بس مو عادي اروح معه لعزومه لسوق