مساء الخير اخواتي
ابي مشورتكم في بر اخواني بامي وابوي وعلاقتي باخواتي
انا الكبيره وتعبت علشانهم كثير كنت اذاكر لهم واذا مرضت الوحده فيهم اروح معها المستشفى واتنوم معها واتعب واضغط على نفسي عشانهم الحين كبرو وتوظفو اللي تزوجت واللي توظفت واللي بالجامعه الحمدلله والله يابنات ماامن ولا احب امن اذا وحده منهم طلبت مني شي اجيبه له الحين اذا زرتهم انواع الضرب والسب لعيالي ويسبوني قدامهم صارو عيالي خوافين بسبتهم اتمنىنجتمع ونسولف عند امي وابوي الله يطول بعمارهم مايجون ولايحبون كل واحده همها نفسها وعيالها وبس مافي اخوه اجي ازورهم البيت مكركب والمطبخ له اسبوع ماقد تنظف وامي القاها تنظف فيه 😢😢مع انها تعبانه وتقول مايساعدوني ولايحبون النظافه يعني والله امرهم عجيب كل وحده ودها تاكل الثانيه وينافقون بين بعض وحده من اخواتي متزوجه انانيه تبيع اللي حولها اهم شي مايجيها شي كل همها تفرق بينا طيب ليه احنا اخوان وش تستفيد ماتخاف ان عيالها يسوون مثلها اسالكم بالله كيف الحل معهم
سهام الاموره @sham_alamorh
عضوة جديدة
يلزم عليك تسجيل الدخول أولًا لكتابة تعليق.
ست الستآت
•
جيبو لامكم عامله هذا البر الي تتحدثين عنه دام مافيه احد ينظف وامك تعبانه مو معقول تجلس تكرف وهي كذا والبنات مو لازم تجتمعون كل وحده لها وقت تروحون لوالديكم اما جمعه وانتم ماتحبون بعض بس تضايقون امك
حبيبتي بالنسبه لعيالك وانو اخواتك يهاوشوهم هذااا شييييي طبيعي صدقيني بكل بيت تصير
وكل الاخوات لابد تصير بينهم خلافات لكن فتره وتعدي
لكن الاهم كيف يخلون امك تشتغل وهم وينهم جالسين ؟ المطبخ له اسبوع مانظف؟ حتى الشباب ماسووها
وعيهم انصحيهم وخوفيهم من العقوق ارسلي لهم رسايل توعوية وتذكير بالاخره وبر الوالدين
واختك المتزوجة حاولي تحسني الظن فيها واذا هي فعلا على قولتك انانية وتبي تفرق بينكم ؟خلك رسمية معها اجتنابا للمشاكل يعني بس سلام كيفك اخبارك وبس لكن طبعا لا تقطعين صلتك فيها لان هي بالاخير اختك والظفر مايطلع من اللحم
وكل الاخوات لابد تصير بينهم خلافات لكن فتره وتعدي
لكن الاهم كيف يخلون امك تشتغل وهم وينهم جالسين ؟ المطبخ له اسبوع مانظف؟ حتى الشباب ماسووها
وعيهم انصحيهم وخوفيهم من العقوق ارسلي لهم رسايل توعوية وتذكير بالاخره وبر الوالدين
واختك المتزوجة حاولي تحسني الظن فيها واذا هي فعلا على قولتك انانية وتبي تفرق بينكم ؟خلك رسمية معها اجتنابا للمشاكل يعني بس سلام كيفك اخبارك وبس لكن طبعا لا تقطعين صلتك فيها لان هي بالاخير اختك والظفر مايطلع من اللحم
الصفحة الأخيرة