امي واخواتي احتفلوا لان اهل العريس ماعجبتهم

بنات مدري ايش اكتب وش اخلي امي تكرهني وتفرق بيني وبين اخواتي تخيلوا لدرجه غريبه وصل كرهها انا خطبني واحد طبعا مااعرف عنه شي نهائي ولا قالت لي عنه شي
تشاورت هي واخواتي ووافقوا عليه وانا ماادري عن شي بعدين جت قالت لي خطبك واحد وافقي وتزوجي
وماقالت لي حتى اسمه
وبس شافوني ماعجبتهم وتبدا امي تتصل على اخواتي وتبشرهم والله انها تتكلم باعلى صوتها علشان تسمعني انهم مستحيل ياخذوني لولدهم ويجتمعون ويسوون ذيك الحفله على العشا اللي على مستوى والله اكل غريب عجيب ماعمري اكلته وضحك وسوالف والله بحياتهم كلها ماسووها
والله اني كرهت نفسي يابنات ماتوقعت لهدرجه كرههم لي ماتوقعت يفرحون فيني بهالشكل
والله اني مو متحسفه على الخطبه ادري انها خيره من الله لكن من الشماته اللي في عيونهم

لان خلصت مشاركاتي بكتب لكم ردي هنا بقولكم طبيعة امي من صغري تكرهني وتسبني وتضربني قدام النااس سواء انا غلطانه والا مو غلطانه
ودايم تزعل اذا حد مدحني او سال عني وتجلس تسبني بدون سبب بس لان احد مدحني والا سال عني والله لو اضحك يعني اتبسم تكشر بوجهي
ماتبغاني اضحك والله العظيم وربي لو اعلق غير تطالعني باحتقار والله العظيم ويشهد علي الله انها تحاول تحطمني باي اسلوب وباي طريقه وانها اكثر من مره تشهد علي كذب وتحلف كذب عند ابوي علشان تطلعني كذابه ويشهد علي الله