امي واخوي

السلام عليكم ...

ابي رايكم والله يسعد اللي بتدخل وترد ..

امي يا طويلات العمر مطلقه من عمري اربع سنوات وعشت عند بابا وماعرفت امي الا وانا عمري تسع سنوات ...


اخوي اللي عاش عند امي الى عمر سبع سنوات امي مريضة فيها سحر وعين والله اعلم بحالها وعايشة عند ابوها ...

حاله الان احسن من قبل الحمدالله انا متزوجه وازورها من فترة لفترة في الاجازات القصيرة والصيفيه والحمدالله ...

كنا متاملين بعد اخوي مايتزوج ياخذها لان جدي شوي قاسي عليهم وهي مافيها للشغل عمرها منتصف الاربعينات

لكن للاسف مااخذها بحجة انها عايشة بقريه وماراح تتأقلم بالمدينة وقفلة البيوت بتأثر بنفسيتها وهي ودها تروح معه وتبغى الراحه...

ودائما يقول بعدين وبعدين وانا اذا قلت له خذها راح يزعل وتصير هوشه ...

انا علاقتي بزوجي سيئة يعني بالكاد يصرف علي انا وعيالي وبالعافيه نطلع نتمشى وكنت افكر بالطلاق حتى اهتم بامي ولكن كثير انتقدوني عيالي ايش ذنبهم

وانا خايفة من اني اكون عاقه لها

واخوي اذا تكلمنا انا وهو بهذي السيرة يقولي بخليها عندك بالاجازات .. وانا ماابغى يكون لزوجي اي علاقه فيها من ناحيه الاكل والشرب والتماشي والمستشفى وغيرها
لانه راح ينتقدونه اهله وش دخلك بامها ومن ذا الكلام وتعرفون الباقي غير علاقتي السيئة فيه ...

وابغى مشورتكم كيف ابرها بوضعي هذا مااقدر اجبر زوجي واخليها عندي لاني عارفه ايش راح يصير ماراح يعجبه الوضع

وهل اذا طلبت الطلاق حتى ابر بامي علي شي مع العلم اذا تطلقت راح اسكن عند ابوي لامحاله لان امي مالها سكن خاص لان مكن جدي يسكن عند خالي ؟؟؟؟!!!!!!

وسؤال لو قلت لاخوي يخلي امي عنده واقوله ان صعبه تجي امي عندي وتسكن عندنا

لان اخوي يستغل الاجازات ويسافر ويتمشى وفي نهايه يقول ماعندي فلوس يعني عديم الاحساس ...


ايش اسوي حتى ابر بامي بهذا الوضع اللي انا عايشته انا في حيييييييرة مايعلمها الا الله ؟؟؟!!!!!