امي وتصرفاتها بتجنني

السلام عليكم
اولا اشكر اختي فطومه علي المعرف ماقدرت اخش بمعرفي لاني عندي أقارب كثير هنا


السالفه ومافيها يابنات امي الله يهديها هي مطلقه من ابوي من زمااان وانا عشت معاه بس كنت أسبوعيا ازورها ومع اني كنت بنت ومالي حيله واخذ مصروف من ابوي بس كنت اعطيها شهريا لو 150 ريال الي الله يقدرني عليه وبس
وحاليا انا متزوجه والحمدلله الله رزقني بزوج مقتدر ماديا
الديره الي انا ساكنه فيها تبعد عن امي تقريبا ساعتين بالسياره المشكله امي ماتدق لي الا بالمناسبات او اذا تبي فلوس وانا شبه يوميا ادق عليها تطنشني او ماترفع او تتعذر لدرجه دقيت عليها كثييييييير وماترد وكل مره زوجي يقول لي اذا تبين تروحين بوديك وادق عليها تقول لا تجين هالاسبوع خليها الشهر الجاي وهاكذا هالكلام من عيد رمضان للحين وهي كذا ومن كم يوم كنت اكلم اختي وقالت لي اكيييد الوالده بتدق لك هاليومين وهي تضحك قلت لها ليش قالت حبيبتي عيد يعني في عيديه يعني فلوس ورب الكووون بغيت اغص من الحسره حتي اختي تقول كذا
وزوجي منتبه انه امي ماتبيني الا اذا تبي فلوس او شي وغير كذا تصرفني انا من جد حزينه ليه هي تسوي معي كذا انا من تزوجت ماقصرت معاها بس مااقدر اعطيها كل شهر مصروفي لي ولعيالي مايبي الا القليل بس زوجي مايقصر بالعيديات او اذا بغت فلوس يعطيني عشان اعطيها بس اخر مره بالعيد عطاني لها 500 ريال عيديه وعطيها وقالت لي وش ذا هذا ل مازوجك عنده كان عطيتيني 50 وقمت عطيتها عيديتي الي من زوجي 500 بعد وبالموت رضت علي ومن بعد العيد سحبت علي حتي ماتدق ولا تتصل وانا ادق وهي مطنشه من شوي دقت قالت لي تعالي عيدي معانا وجلست تسولف انه اخوك جاب لي طقم ذهب واختك قالت بتعطيني 1000 ومن هالكلام وانا بس سكرت جلست ابكي وش اسوي وصارحت زوجي وقال لي مابوديك انتي مو صرافه الوقت الي تبيك والوقت الي ماتبيك راميتك وماالومه وش اسوي انصحوني وربي دمعتي مانشفت