امي وتقديس العيال

بنات قسم مقهوره من امي
حنا البنات نخدمها ونجلس معها ونتقهوى
ونساعدها وكل شي معها
فجاه دايم دايم من سنين تقول
يازين العيال ياحظ لللي كل خلفتها عيال
لاغثى ولا مصاريف
ولا يحبون مظاهر
انا اخر شي اليوم خلقه منفسه من الدوره
وقالت امي هالهرج كذا بدون سبب
قالت ياحظ فلانه كل خلفتها عيال
مريحه بالها
جيت قلت بعصبيه
للاسف انتم عبدات رجال
ماحد نفعكم الا البنات
قامت ترقع تقول انا قصدي المصاريف
والمظاهر كله من البنات العيال موب كذا
جيت قلت من قالكم تولدون دام ماعندكم فلوس
موب بس فالحين تجيبون عيال وتقولون
مصاريف ومدري ابش
احسسسس اني جد جد للحين متنزفزه
دايم امسك نفسي من هالكلمه
الا اليوم انفجرت لان شي يقهر صراحه
اني تقدس العيال بشكل مبالغ
عندها كل العيال ملائكه
واذا قلت لها انتي عبدة رجال تزعل
طيب انا صادقه
اجل فيه ام تقول ياحظ اللي كل خلفتها عيال
مريحه بالها!!