امي وجدتي

انا تعبانة نفسيا بسبب جدال امي وجدتي انا اكرة شي علي اني اشوف اثنين يتهاوشون يمكن يغمى علي ومرة انمرضت شهرين بغيت اموت بسبب امي وجدتي والسالفةماتسوى مناقشات حادة بس انا اكرة هالشي والموت ارحم من هالمواقف اختي الله يهداها كلمتني وقالتلي ان امي وجدتي اتهاوشوا اليوم وطول اليوم افكر فيهم تقول ان جدتي الله يسامحها سوت شاي وقهوة ودتها لزوجة ابوي الثانية ويوم اتقهووا جابت الباقي لامي تبغاها تتقهوى هي وياها امي اتنرفزت وقامت هاوشت جدتي تقول ليش ماجبتيها لي قبل مو جايبة لي الفضلة انا ادري ان جدتي غلطانة بس هي حرمة كبيرة وساكنة بقسم لوحدها بس امي اللي تطبخ لها فطور وغداء وعشاء الله يجزاها الجنة وزوجة ابوي وعمي ما يطبخون لها ولا حتى يحبونها حتى مرة زوجة ابوي اتضاربت اهي وجدتي والموقف هدا اثر فيني ودايم اقول يمة اصبري هي كبيرة وسوي فيها اللي ودك يسوون لك مثلة حريم عيالك احس يوم اقول كدا لامي تكرهني بس انا وش اسوي بهالموقف وانتم لومكان امي وش بتسووون والله مالي غير الله ثم انتم اقولة مشاكلي اللي بجد اتعبتني