امي وخوفها من العادات والناس

السلام عليكم
بنات
انا وخواتي وحتى اخواني
محرومين من اشياء كثيره حلال بسبب
تفكير وخوف امي علينا قسم بالله اكره الشي
قبل يحصل لي والسبب شايله هم امي وزعله
ورفضه وحالته الصحيه
مع انها مو كبيره امي عمرها٥٢
لكن كل امراض الدنيا فيها مم كثرى التفكير
والخوف احس اللي بامي وسواس
بقولكم زي ايش
حاصله لي وظايف كثير بس مو بمنطقتنا
يعني لازم اسكن سكن ورافضه نهائي
اختي موزونتها
فوق ٨٩
ممتازه
بالثانوي
واحنا بديره محافظه مافيها الا كليه وحده ولا
فيها كل الاقسام الا دراسات عربي
رياضيات جغرافيا
اختي تبي قانون
تبي قسم اسره
تبي اداره اعمال
تبي فنون
كل هذا مو عندنا حاولت بامي
تقدم بجامعه نوره
ورفضضضضضضضت
كل خوفها ماتروحون لحالكم
الحين الحجاب نص نص البنات يتحجبوو
ولا احد يقدر يقول شي لان هالمساله
الكل مختلف فيها فيه مذهب محلل وفيه مذاهب لا
انا احيانا لو بس اتحجب بكوفي ياناس
بتقهوى تنجن وكاني مرتكبه جريمه زنا!!
والله يابنان امي عادي عندها ماصلي
بس اهم شي تتنقي
امي ذابحها الخوف والوسواس والعادات والتقاليد
السياره تقول مايتركون بناتهم يسوقون
ويتعلمو الا الصايعات
والفاسدات
وضد القياده


بنات
صديقاتي
تعلمو سافرو لحالهم
توظفو بعيد عن اهلهم
عاشو سنهم
اخذو رخص القياده وصارو يسوقون
وانا
بمكاني كاني جايه من العصر الحجري
ماعشت التطور اللي جالسين نشوفه الحين
كل شي عند اهلي بالذات امي عيب عيب وش يقولون الناس
وش هالفساد عجوز هذا كبرك وكذا تفكيرك
يعني قابرتني بعصرها
تبينا نعيش زي ماهي عايشه بالضبط ونفس افكارها
صديقاتي نصهم معلمات بالجنوب والشمال
ونقلو وتسنعو
ونص صديقاتي صار يسوقون
ونص بنات اقاربي عايشين سنهم
من كوفي لمطعم وحجاب والمصيبه ان امهاتهم
اكبر من امي بكثيرررررر
يعني امهاتهم عجز فوق ٦٥ وراضين
ومستانسين ببناتهم وبالعكس يشجعونهم
يسافرون يتوظفون ويعيشون حياتهم
ليش امي كذا
ليش الخوف فيها من الناس والعادات
انا بفهم وش ذخل الناس ببعض كلن حر
بحياته وكلن يسوي اللي يسوي
الى متى وحنا كذا والله انقهر لما اشوف الناس
انجزو وكلن تغير الا انا
اقدر اسوي هالاشياء ذام انها حلال
لكن المصيبه امي عارفه زعلها شين وبتلعب بنفسيتي
وبتغثني وبتجلس ترسل رسايل تذعي علي
وترسل اخواني يهرجوني اني اترك هالشي بالطيب
احسن من بالقوه
ولا ترتاح لما تسوي اللي تبي وتخليني جالسه كذا عنذها