سليلة العز
سليلة العز
الله المستعان
لاحول ولاقوة الا بالله العلي العظيم
يا أختي أمك ومالها أحد غيرك وهي شايفه أنك المتنفس الوحيد لها
الله المستعان
أسأل الله إنه يعينها ويرفع عنها همها
وأنت احتسبي الأجر
تخيليها صديقة لك قريبة من قلبك أسألك بالله بتملين
لأ طبعا
هذا حنا دايم تفاعلنا واهتمامنا لغيرنا
اخت وضحى
اخت وضحى
ياقلبي اصبري واحتسبي مع الدعاء لها بالسجود
ام ج ـنو
ام ج ـنو
لازم تتحملين وتواسينها
لانها ترتاح اذا شكت لك بحكم قربك منها
مالك الا الاجر يالغاليه
وعد الفرح
وعد الفرح
حاولي تذكرينها بأجر الصبر وتنصحينها بالاكثار من ذِكر الله
witty&pretty
witty&pretty
لا يمكنك مشاهدة هذا التعليق لانتهاكه شروط الاستخدام.
الله يرفع عنك ويرزقك سعادة الدارين
لكن والله اني تألمت من كلامك عن امك
ليه ياالغالية ؟!!
ما ابغا اقسا عليك يمكن انت تعبانه فعلا لكن امك ياالغالية امك
ابغاك تغمضين عينك شوي تخيلي انك مكان امك قلبك مليان الم وكدر وهم مليان لدرجة الاختناق وما عندك احد في هذي الدنيا تفضفضين له وتطلعين اللي فيه لانه اذا ما طلعتيه راح تنفجري
تخيلي انك ام كبرت في السن عيالها اللي مالين عليها الدنيا راحو وتركوها زوجها حبيبها اللي كانت ترمي همومها عليه اما انه راح وتركها بغير ارادته يعني توفى او تركها بارادته وتزوج غيرها فقدت القلوب الحنونه اللي كانت تحتضنها
وتدورين قشة تتعلقين فيها تلاقين انك مخنوقة وتلجأين لله ثم لبنتك اللي ما عندك غيرها تشوفين في وجها الضيق والضجر بالله ايش موقفك وانت فقدتي القشة اكيد بتغرقين في الهم والحسرة والكآبه
حتى لو كانت شكاويها غير صحيحة ومختلقه تحمليها
هذي امك نسيتي ياما وياما تحملتك وانت تشتكين لها من بنات عمك اللي سبوك وبنات خالك اللي ضربوك ومن صديقتك اللي طنشتك و صادقت بنت غيرك
كانت تسمعك بدون ملل مو بس كذا كانت تروح بنفسها تدافع ع وتزيل عنك الظلم
بالله اذا تكدرت وتسكرت الابواب( الا باب الله طبعا ) لمين كنت تلجأي من البشر ؟
اختك اخوك صديقتك ...الخ ؟ مهما كانوا طيبين الا مايجي يوم ويطفشوا ويصدوك او اذا كان شخص بعيد عنك مو قريب يمكن يسمع شكواك لكن يعايرك بها بعدين او يمسكها عليك ويستخدمها كسلاح ضدك يهددك به بعدين
الا الام
تشتكين لها وانتي واثقه وحاسه بالامان
يوم تحتاجك تصدينها ؟؟
الله يهديني ويهديك يا اختي اعيدي حساباتك
تبغين الحل ؟


تحمليها وترا مايروح صبرك ببلاش
كله محسوب عند الله وانت الرابحة
وبعدين ابغا افرحك شوي
المفروض انك تفتخري انها اختارتك انت من دون الناس و فتحت لك قلبها
الايام هذي الواحد ما يفتح قلبه الا للي يحبه ويثق فيه
امك تحبك اكثر وحده يا شطورة افرح يا عم مين قدك