امي وطريقة تفكيرها

بنات انا منفصله صارلي سنه وخلاص ماعاد فيه مجال للرجعه هذا موضوع خالصين منه ولكن هذا مو موضوعي ..


السالفة وكل مافيها عندي امي يعني مادري وش اقول احس من اكبر المصائب اني اتشكي من امي ولكن تعبت
امي انسانه لسانها مره ترمي الكلام وماهمها
طبعا ابوي شخص طيب ورحوم مره ولا يحب يزعل امي او يتكلم عليها قدامنا ابداً ولا بعمري سمعت ابوي يصارخ عليها او يهاوشها
واحس امي دايم تحس تستفزني انا وخواتي ودايم تدعي على ابوي والله ياخذه ومادري وش احنا نرد ونقول بسم الله عليه ومايصير
ولكن هي مره لسانها وترد بكلام حر حر حر يحرق بالقلب لكن انا احترمها عشانها امي مابي ارد بكلام مثل كلامها واتكلم
هي عندها واحد من اخواني الكبار مره ماترضى عليه رغم انه اخس واحد فينا ودايم بس مايجيها الا اذا يبي شي او يبي فلوس او مصلحه لكنها تحبه مره ودايم تدافع عنه رغم انه لا وظيفه ولا شي وهو كبير مره مو صغير ومطلق وعنده ثلاث عيال واخلاقه سيئه صح انه اخوي بس الصدق ينقال
المهم بنات امي دايم تستفزنا ودايم تتكلم في الناس وانا ماحب واقولها وش دخلك بالناس خلاص خليهم يعيشون الحياة اللي يبونها صح او غلط انتي عليك من نفسك وبيتك فقط لاتدخلين في احد ما اجبروك تروحين لهم او تكلمينهم خلاص اللي مايجوز لك لاتحتكين فيه ولاتروحين له اما تجين تتكلمين في قفاهم لا
وتخيلوا ترادد وترد بكلام شين ولسانها مره انا اسكت احتراماً انها امي مابي اغلط عليها ولا ابي لساني يطول عليها
طبعا بتقولون الغلط من ابوك مخليها على راحتها بنات ابوي كبير بالسن مره عمره بالسبعين وشايل نفسه ومايحب المشاكل ودايم يطنشها ويوفر امور البيت رغم انه ظروفه مره ويحاول يلحق كل شي لكن فوق ذا دايم تدعي عليه وتتكلم كلام ماله داعي
ابوي انسان طيب القلب رحوم مرررره وكبير سن خلاص تعب من الحياة مايبي صراخ ومشاكل وهي مره
بنات بالله كيف اتصرف انا نفسيتي ضاربه منها ودايم احاول اطنشها عشان ما تجي لحظة غضب وصراخ وارفع صوتي عليها
كيف اتصرف مع الام اللي كذا دايم اذا خواتي المتزوجات راحو تتكلم فيهم وهم نفسيات وهم مدري وش واذا جو عندنا تضحك في وجههم ولا كأنها تكلمت فيهم
مره نفسيتي ضربت منها كيف اتصرف