بأكتب بدون مقدمات وعالسريع لان نفسيتي تعبانة مرة :44:
تكفون شوروا علي بأسرع وقت .. أنا البنت البكر لامي وابوي متزوجة وعندي بنت ..
المشكلة مب فيني في امي وابوي .. أبوي استشاري طبيب لكن مايشتغل في عيادات لأن أمي ماتبيه يشتغل مع حريم وراضاها وصار مدير عام في احدى الوزارات لكن صار كل مؤتمراته والمحاضرات فيها اختلاط وطبعا امي طلبت منه انه يغير عمله من سنتين كل المشاكل على كذا ( يعني أمي ماتبي ابوي يشتغل مع عنصر نسائي)..
المهم تو أنا وأمي طالعين طبعا أمي كانت مكتمة شوي بس تكابر وهي من كم يوم تقولي يا رغد ودي ابوك يغير عملة بس انه رافض .. و ابوي يوم رجعنا تو وشاف أمي لاهية قالي يا رغد تهيأي نفسيا لأي شي يصير بيني وبين أمك أ، قد هددتها وقلتلها ان جابت طاري عملي معدبك شايفه وجهي يعني ( ينفصل) الله لايحوسنا بشر والله من قالي وانا خانقتني العبرة ويوم جت أمي غير الموضوع وأنا جلست أسولف مع أمي كأني ما أدري عن شي بس الحين أمي وأبوي في غرفتهم وخايفه أن صار بينهم شي وأنا جالسه مع أخواني وقلبي يردع تكفون وش أسوي .. بتقولون ليش جالسه عندهم رجلي مسافر عمل وأنا نايمة عند أهلي ..
تكفووووووووون دعوا ان ما يصير فينا شي شين والله أبوي حبيب وطيب وامي عسل وأقاربنا يحسبون ان أمي وابوي
عايشين أحسن عيشه ...
ردوا علي وش أسوي ودي أوصل لأمي بطريقة غير مباشرة انها معد تطلب ابوي انه ينقل وان ابوي مهدد انه ينفصل بدون ما تدري ان ابوي قايلي شي ..
أنا ماعندي اخوات اللا وحدة صغيرة ولا اقدر افض فض لاحد لان خالاتي بيشيلون هم وزوجي ما احب اقوله شي عن اهلي ..
جعل من ترد علي لو بدعوة تسعدها وين ما كانت وتسخر لها وتوفقها وتحقق امانيها اللي خير لها ..
رغـ(^_^)ـد @rgh_d_2
عضوة جديدة
يلزم عليك تسجيل الدخول أولًا لكتابة تعليق.
الله لايذوقكي الهم الي ذقته يارغد البنت الكبيره دايم شايله هم الله يجمع بينهم يارب على خير ويحمي عايلتكم من كل شر يارب
الله يهدى سرهم ويصلح بينهم ياقلبي حاولى تكلمين امك ان عمل ابوك يتطلب الاختلاط وتخلى ثقتها فيه قويهالله يهدى سرهم ويصلح بينهم ياقلبي حاولى تكلمين امك ان عمل ابوك يتطلب الاختلاط وتخلى ثقتها فيه...
يا حبيبتي لازم توضحين لأمك ان عمل ابوك ومستقبلهم اهم من الغيرة اللي تعيشها امك ولابد ان تحاولين ان تزرعين الثقة عند واللدتك وهل مستوى امك التعليمي متدني لهذا هي تشعر بالغيرة ويمكن فية حاجة انتي غير مطلعة عليها ولكن لاتقفين مكتوفة الأيدي حاولي ان تناصحين امك وتجيبين لها قصص عن زواج الزوج اذا مالقى الراحة واقرئي لها مايزيد ثقتها في نفسها وكذالك وجهي والدك ان يبين حبة واهتمامة بها لأنة شكلة مشغول عنها بعملة
يارب يلم شملكم ويؤلف يين قلبين والديك
ولاتشيلين هم اكثر من الازم امك اكيد انها فاهمة وش تسوي:27:
يارب يلم شملكم ويؤلف يين قلبين والديك
ولاتشيلين هم اكثر من الازم امك اكيد انها فاهمة وش تسوي:27:
الله يهديهم لبعض وبعض الغيره الزايده ماله لزووم حاوول تكلمي امك وتقنعيه وتعطي ابوك ثقه شوويه والله يهدي الجميع
الصفحة الأخيرة
ياقلبي حاولى تكلمين امك ان عمل ابوك يتطلب الاختلاط وتخلى ثقتها فيه قويه