السلام عليكم ورحمه الله وبركاته
في البدايه اسلم ع اخواتي جميعا في عالمنا عالم حواء
انا من زماااااااااااااااااان ماكتبت في المنتدى لظروف مرت بيا
لكن كنت متابعتكم كل فتره ادخل اقرا واطلع حتى من غير ماارد ع احد مو بكيفي والله
المهم انتم اخباركم تمام كيف احوالكم وربي اشتقتلكم بس يالله مو مشكله الله لايشغلنا غير بطاعته
ماابي اطول ع انا اليوم داخله وكتبت بناء ع طلب الوالده الله يحفظها لي ويطول بعمرها ويمدها بالعافيه والصحه هي وكل امهاتنا يارب ياكريم
ولجل عين تكرم مدينه
المهم امي الله يسلمكم تدرس محو اميه بالشرقيه حبا بالتعلم وحبا لقضاء وقت الفراغ بشي مفيد بعد ماربتنا وعلمتنا وكبرتنا
وهي بشهادة المدرسات من المتفوقات لديهم والحمد لله ماتتصورون يابنات فرحه امي لما دخلت المدرسه واخيرا وافق ابوي الله يهديه والا هي من زمان تبي تدرس وكل يوم تحكيلي وش سوت بالتلفون طبعا لاني بعيده عنهم
الا قبل يومين تقولي ان المدرسه قالت لهم في قرار جديد من الوزاره ينص ع
(( ان من تدرس في محو الاميه وسنها فوق ال 45 تفصل ولا تكمل حتى هالترم <<<<<< تخيلوا )))
طيب نبي نمسك القرار حاجه حاجه
اولا : ليه القرار جا بنصف السنه الثاني ليه مهو من اول الترم والا باخر الترم ويطبق بالسنه الجديده << مع اني اشوف القرار ماله داعي
ثانيا : مدارس محو الاميه ليه اسمها محو مهي اصلا للي كبار بالعمر وحابين يتعلمون ولو بابسط الشهادات ومعرفه فك الخط لا اكثر والا المساله تقفيله بوجه النساء فوق قسوه الحياه
ثالثا : مو ظلم للي ماقدر يتعلم في زماناتهم ويوم تجي الفرصه يطلعوهم ليه مافكرو باللي محتاجين انهم يعتمدون ع انفسهم حتى لا تذلهم الدنيا لظالم المفروض يقولون اللي مافيه قابليه تعلم يخرج من المدرسه مو يربطونها بالعمر امي تقول في عجايز وربي ذكيات وفي حريم اصغر منها مايعرفون ولا يبون يعرفون شكلهم ماخذين المدرسه وناسه بس
فرضا لو هي مو امي امي الحمد لله تفك الخط وتعرف الحساب ومسائله بس مجرد تبي شهاده وتقضي وقت مفيد والحمد لله المدرسات يشكرون فيها الله يحفضها لنا يارب
فرضا لوهي حرمه كبيره ومالها احد او محد يمها من عيالها وش بتسوي ؟؟؟؟؟؟؟؟؟؟
والمدرسه حقتهم تقول لو بكيفي مااخليكم تفصلون لانكم اشطر دفعه جتني بمحو الاميه بس مالكم الا تشتكون <<<< شفتو ان حتى المدرسه عارفه ان القرار ما امه داعي
واخيرا وليس اخرا رجاي للي تعرف وين نشتكي والا لوين نروح ولمين تفيدنا بالذات انتم يالمدرسات انتم تعرفون اكثر منا بالقرارات وكيفيه تعديلها فياليت تساعدونا ولكم جزيل الشكر
طيب لو كتبنا بالجرايد ينفع ؟ طيب اي جريده نكتب فيها
اتمنى اني ماطولت ع واني القى الحل عندكم يااخواتي لو مو عشاني عشان امي وباقي الامهات المتمسكات بالعلم ع الاقل هن يتعلمن وهن حابات العلم مو مجرد تسليه
ولكم مني جزيل الشكر والامتنان
جواده2009 @goadh2009
محررة
يلزم عليك تسجيل الدخول أولًا لكتابة تعليق.
دخلت عرض في الموضوع لكن القرار هذا موصحيح انا معلمة كبيرات وما جانا هذا القرار بالعكس عندنا دارسات في الستين ومعروف اغلب اللي يدرسون كبار في السن وعادي يكملون دراستهم بس اذا كان الكلام صحيح عندكم فالسبب انهم يريدون تقفيل مدارس محو الاميه وفصل المعلمات وهذا اللي قاعد يصير حاليا
الصفحة الأخيرة
ماعندي فكره بس حبيت ارفع الموضوع