امي وقصتها 😔

اهلين ياحلواات ... بدخل على طول
امي كل يوم افكر فيها وفي حالتها وربي قلبي يتقطع عليها بس ما اقدر اسوي لها شيء .. هي وابوي منفصلين من قبل ما اولد انا وتزوجت واحد بخيل عنده الملايين يبيع ويشتري في الأراضي في كل مناطق المملكة لكن مسكن امي وعيالها في بيت شعبي .. يصرف عليهم وين عن وين .. وعمره ماصرف ريال واحد على امي هي تصرف على نفسها من ورث بسيط من اجدادي الله يرحمهم ... بس عياله اللي هم اخواني يطالبونه بالمصروف ويعطيهم بالقوة .. وفوق هذا لا يحترم امي ولا يقدرها ولا عمرها سمعت منه كلام حلو وامي مالها احد عشان تشتكيه .. اخوانها ضدها يقولون اذا تبين الطلاق تخلي عن عيالك وامي متعلقة فيهم ماتقدر تخليهم عند ابوهم لانه يسافر كثير وفي نفس الوقت هم يحتاجون لامي كثير لسى صغار ... وحاولت كم مره انها تشتكيه بس مافيه احد واقف معها ... والله تقطع قلبي يوم اشوفها تبكي اذا رحت عندهم .. حتى اخواني الله يهديهم يعصبونها ويتكلمون عليها احياناً وهي خلاص تعبت من كل شيء فإذا اخواني نرفزوها تقوم تبكي واقوم انا اراضيها واخاصمهم لكن انا متزوجة وبعيده عنهم ماني عندهم دايم .. وكل ما اكلمها تشكي لي عن زوجها واخوانها واولادها كلهم ضدها 😭😭😭 حتى اخوانها واولادهم يلاحقوها بالمشاكل رغم انها بعيدة عنهم ... حتى لو بس اتصال لازم يغثوها بكلامهم .. امها وابوها توفوا من زمان الله يرحمهم .. قلت لها يمه تعالي عندي ارتاحي اسبوع او اسبوعين بس تقول صعبة ماقدر اترك اخوانك بينزلون الشارع ويخلون البيت مفتوح واخواتي في سن مراهقه يعني ماتقدر تتركهم ابد .. والله ماعندي غير اني ادعي لها في كل صلاة ... ودي اساعدها ودي افرحها في هالدنيا بس ماقدر .. بسبب بعدي عنها ... والله العظيم انها طيبة وفرفوشة وتحب الضحك والمزززح والوناسة والسوالف وماعمرها زعلت احد ولا كسرت بخاطر احد مو لانها امي امدحها لا والله لكن هذا الصدق ... بس مادري ليه يصير معها كذا ... احتاج دعواتكم يالغوالي الله لا يحرمكم الأجر .. تكفون ادعوا لها ان ربي يفرح قلبها ويسعدها ويهدي اولادها وزوجها لها 💔💔