امي ومرت خالي ورفعة الضغط اللي ماتخلص

يبدولي انها حديثة بالنعمه.. خلوها فتره تتعود وبعدين تتغير تصرفاتها..

وبالنسبه لسالفة التقاعد خلي امك تجيب طاري ان اللي صحتهم تعبت من كبر العمر هم اللي تقاعدوا في الجامعه..
كذا اذا ربطته العمر يمكن تحرم تجيب طاري التقاعد..

بس لازم امك ما تسكت لها اذا تكلمت عن جدتك.. لان هذي قلة ادب منها ومو شي يمشي ابد..
لازم ترد عليها وبقووووووه في هالشي..

والله يعينكم عليها..

لووووووووووووووووول يالغاليه حلوه تربط سالفة التقاعد بالعمر ..

بس فكره .. بقول لامي واشوف ,,


وجدتي الله يسلمك .. تصير عمتها .. وهي مو حديثة العهد عندها ولدين وبنت واكبرهم عمره 11 سنه

انا مو من النوع اللي يسكت .. بس امي ماترضى اتكلم .. وامي ماتحب هالسوالف تقول براحتها اللي عندها تقوله وانا ماراح ارد ولا راح اتكلم مابي السالفه تطول ..

وتسلمين عالرد

عادي اختي الكريمه .. مااشوف فيها اي رفعة ضغط ..

يعني زوجة خالك تتكلم عن الشيء اللي يهمها .. فهي الان في مرحله جديده من عمرها واكيد انها تحس بالتغيير .. وبيني وبينك ربما تحتاج الى شخص يسمعها اكثر ويبدي اهتمامه بها ..

اكثر من حاجتها للسماع فقط .. يمكن هي تحاول تفضفض لامك لكن بطريقتها الخاصه .

فما عليكم الا تتحملوها ومادام انها لاتسيء لاحد .. فلن يضر امك ان تسمع لها وتتحدث معها في الموضوع وبطريقه عاديه .. لاني اشوف الموضوع عادي جدا كل انسان يحكي عن اهتماماته او عن الظروف اللي يمر بها او الاشياء الجديده عليه .. وصدقيني غالبا يكون يحتاج الى من يواسيه او يفهمه اكثر من كونه يباهي بها .. لكن احيانا طرح الفكره يكون بطريقة خاطئه ..

يبدو لي مافهمتي المقصود ..

لما تقولين الشي مره ..او مرتين .. ممكن..وامي تسمع لها وعادي جدا ولا تفرق معي امي

لكن كل زياره لجدتي .. كل مكالمه هاتفيه بينها وبين امي .. وكل مره يشوفون بعض تعيد الموال

هل هذا شي لطيف؟؟

وبعدين اسلوبها وهي تتكلم مو يعني مبسوطه .. اسلوبها وحده مثل العيال الصغار يعني زي موتو حره انتو كله دوام وانا جالسه وهي تضحك وكلام كثييييييييييييييير لحد مايصير نقاش بينها وبين مرت خالي الثانيه ولى بنت خالتي وامي ماتبي ترد عليها لانه ماتبي تجرحها ..

كل مانشوفها الموال ينعاد

لو انك تشوفيها عاديه كان ماحطيتها .. لكن جد مسببه لامي ازمه .. وانا مابي امي تنفجر علها يوم من الايام .. لانه امي من النوع الساكت ..بس الضغط يولد الانفجار ..

عااادي ما اشوف مشكله كبيره بس هي شكلها تقاعدت وندمت او انجبرت على هالشي وصارت تحسدهم على الشغل يعني مسالة غيره
اول ما دخلت موضوعك حسبته مشكله كبيره لكن كله مجرد كلام وسوالف تقدرو تطنشوها