السلام عليكم
انا توي تخرجت يابنات من الجامعه ومن كم يوم استلمت شهادتي
معدلي طبعاً زفت وعندي خوال نشبه لازم يسألون كم جبتي
انا قلت مابي اعلمهم بمعدلي وامي قالت لا بعلمهم
طيب يا امي ياحبيبتي اخوانك وش دخلهم ؟
هم يسألون من باب اللقافه والشماته بس ! خوالي وانا اعرفهم
طبعاً يوم كان معدلي بالثانويه زفت جلسوا يسالون ويستفسرون كم جبتي وكم جبتي حنا بنساعدك بدخول الجامعه
ومن غبائي قلت لهم واعطيتهم ملفي بعد عشان يشوفون لي واسطه ادخل فيها الجامعه زي ماوعدوني
آخر شي ماسووا لي شي وسووا للغريب وتوسطوا للي يبونه ووظفوا ناس ماعندهم شي وانا ليومكم ذا شهادتي عندهم !
انا تعبت على نفسي ليما حصلت قبول بالجامعه على حسابي
يعني محد له منّه علي .. المهم بعد ما دخلت الجامعه طالبت خالي بشهادتي
قلت له لو سمحت ابي شهادتي الثانويه اللي عندك
تخيلوا وش قال ؟؟
قال ضاعت مدري عنها !
شفتوا المسخره ؟
طبعاً خالي مخليها عنده ومحتفظ فيها للشماته لا اكثر عشان يكون بنظره اثبات إني فاشله من اولي !
وان عياله هم الناجحين والشاطرين
وربي خوالي واعرف حركاتهم لانهم يجون يحشون بعيال خالتي عند ابوي
يقولون انهم فاشلين وماجابوا ومعدلاتهم عدم ويستاهلون ماجاهم ومن هالكلام البايخ
وانا مابي اتهاوش مع امي بهالخصوص لان سبق وتهاوشت معاها لانها قالت لهم درجاتي وانا مابيها تعلم احد لان محد له دخل فيني
والحين يوم قلت لها لا تقولين لو سألوك قالت انتي تفشليني وتبين تزرعين المشاكل بيني وبين خوالك !
طيب خوالي ماعمرهم قالوا او تكلموا بشي يخص عيالهم
ليه الا انا امي تبي فضايحي بجلاجل ؟
علموني كيف اتصرف ؟
ووش اسوي لو قالت لهم امي ؟
و اذا سألوني انا وش ارد ؟
ولو كنتوا مكاني وش تسوون ؟
رزمة اوجاع @rzm_aogaaa
عضوة فعالة
يلزم عليك تسجيل الدخول أولًا لكتابة تعليق.
رزمة اوجاع
•
رفع
الصفحة الأخيرة