امي ونقل الكلام ابي حل

بنات امي الله يهديها يارب
به صفه سيئه مع ان حبيبه وطيبه
لكن به عاده نقل الكلام والاخبار
قبل ماكانت كذا بزياده
لكن طاحت بجارات الله ياخذهن قبل ٨ سنين
صارو يحطون عزايم وكذا وبهن نفس هالطبع
يستمتعون بنقل الكلام واخبار الناس
وامي تشوفهن ملائكه اذا جيت
اقوله مثلا حرام ياامي ماراح ينفيدونك بقبرك ترا
هاللي يطلعون اسرار الناس وانتي تساعدينهم
تروحين تنشرين زي قريبتي زوجها متزوج
عليها وساكتين ماعلمو احد فجاه سمعته امي
من جاراتنا ونشرت امي الخبر كل ماكلمت
احد من اقاربنا قالت شفتو فلانه ياويلي
زوجها معرس عليها شفتو فلانه متهاوشه
مع زوجها والمصيبه جاراتنا اللي وصلت لامي
جالسه تطلع اسرار قريبتي تقول انهم طول وقتهم
مشاكل وفيها حاله نفسيه و و
تعبت وانا اهاوش امي اتركي هالعاده
غير انها حرام تكره الناس فيك
من يبيك وانتي كذا
وكثير يشوفون امي انها حقت اخبار
ونقل هرج
ودايم اقولها لدرجه وحده مرسله لي
امك سبب مشاكلها مع اهلها انها نقالة كلام متخيلين الوضع
الله يابنات كل يوم كل يوم اهاوشها خاصه
اذا حضرت موقف فيه تهرج للناس
اعصب غصب عني احط نفسي مكان هالناس
ومكان هالبنت الدي امي جالسه تنقل اخبارها
والله مره من اللي فيني لما عصبت قلت
خليها تدري بتلعن خيرك
قالت لا ماتدري انا قايله لفلانه لاتقول انها سمعت مني
قسم بالله تعبت من شخصية امي الموذيه
صرت اتاذى حتىًانا وخواتي
تبينا نجلس وتحش بالناس عندنا واذا سكتناها زعلت
ولاتهرجنا وتروح تدور ناس وش اسوي فيها
قسم اني ببلوه احسد اللي امهاتهم ماسكين السنتهم
ويخافون الله ويعرفون هالشي حرام