امي وولدي والشغاله ساعدوني

السلام عليكم

مالي الا الله ثم انتووو يا حوائيياااات

تكفون بنات ابغى حل حتى لو كلمه تجبر الخاطر

بعطيكم نبذه عن كل شي
عندي ولد عمره 4 شهور لونه ابيض ناصع {{{ ابقولكم ليش ذكرت لونه
لان ابوه اسمر وانا حنطيه ومع الحمل مشاء الله صرت فحمه خخخ :06:

المهم اللي حاصل ان زوجي انشغالاته كثيره احيانا ما يجي الا اخر الليل فاروح بيت اهلي وبيت اهلي بيت العايله على قولتهم زواره خميس كل خميس العماةوالخالات والعزيزوالغالي يجي بيت اهلي
وهناك الشغاله مستلمه ولدي والله عيونها سم عليه
يالله جميل واااي هذا ولد ابيض هذا ولد قوي ومن هالتعليقات وطول ماهو يلعب بحجري عيونها علي انا وولدي
ومن ارجع البيت ولدي صراخه وصياه يوصل سابع جار
واقعد انا وابوه ونقرى عليه ونحط قران ينام عليه وبعد ما ينبح صوته ينام
تكررت هالسالفه مع الشغاله اللي ما تذكر الله

وصارت امي تمنعني ان الشغاله تشوف ولدي طيب انا في بيتكم واكيدهي بتشوفه يعني لنا اجي اروشه اكبر مغسله هي مغسله المطبخ فاظطر اني ادفي المطبخ عشان اروشه والبسه وهي تكون في المطبخ ومشاء الله ولدي متختخ والله لا جيت اروشهه تنط كانها ودهل تسبح وياه
وتجي تعطيني الشامبو والفوطه وترتب اغراضه ادري غلط اني اروشه قدامها بس في بيتي ماعندي مغسله اروشه فيها يا دوبها بس اغسل له لدرجه اخر مره روشته وجيت البسه جات نطت في وجهي تقول واااي هذا جسم كويس اكيد وزنه 6 كيلو حنى عظام كويس
قلت لها لا وزنه بس 3 كيلو وما اقدر اهاوشها ولا اعصب فيها ما تدرون وش تسوي فيني وفي ولدي

ولا اخفيكم عن مسلسل الصياح والله ما يسكت دقيقتين على بعض الا اذا بينام
وغير ان الاهل الله يسامحهم شايفين ان اللي جايبته معجزه مو ولد
والله ثم والله اني بنت عمتي داقه علي قبل كم يوم
هي حامل طيب تقولي بقولك شي بس لا تاخذين بخاطرك ترى ولدك صاير حديث كل مجلس شلون انتي سمرا وابوه اسمر وجبتو ولد ابيض وان يقولون لها يالله شدي حيلك وجيبي ولد حلو زي ولد لجونه :06:


واذا صارت الجمعه في بيت اهلي الكل يبي ياخذه ويبوس فيه فا اغيب عن نظره فتره وبس اجي اخذه والله ياناس يجلس يضحك بصوت عالي ويغرد اغاااا اغاااا يناظرفيني ويغرد لانه متعود اول ما اشوفه اقعد اغاغي له واضحك وامي تهاوش فيني ليش اضحكه وان احلف لها والله هو من يشوفني يجلس يضجك مشتاق لي والله ان ارفع عيني عنه ما اخليه يشوفني بس عارف اني امه ويجلس يغاغي ويضحك قدام الاهل والاهل حاطين عينهم علي وما يذكرون الله لدرجه ان امي اخر خميس صارت فيه جمعه الاهل اخذت ولدي وعطته اختي وقالت لها روحي غرفتك وخليه معك واذا جات لجونه ترضعة خليها ترضعه واخذيه منها سمعتها وتخاصمت وياها اقول لها اجل ليش اجي عندكم خلاص هذا ولدي وهذا انا والتاس والشغاله مصيرهم بيشوفوه مابي اخبيه وبعدين فجاءه اطلعه للات للحين في من اهلي اللي ما شافوه بس يسمعون انه ابيض وامه وابوه سمر :22:


ويستمررررررررر مسلسل الصياح وكل اسبوع رايحه لشيخ ويقولي معيون ارقي الولد
طيب ارقيته وعوذته واقرى عليه المعوذات واحط له سوره البقره
صرت اقرى له القران بصوت عالي عشان يسمع ويهدى
فتره يهدى وفتره يرجع زي اول واعظم

وانا احين مقاطعه بيت اهلي صار لي اسبوعين وامي مره زعلانه مني وتدق علي وانا ما ارد عليها وترسل لي مسجات اني اجي وانا ما ارد عليها
لاني بس اروح تبدى تهاوشني على الولد المعجزه اللي امه وابوه سمر


دلوني على حل الله يجزاكم خير واسفه على الاطاله والكلام المقطع
لاني اكتب بعد ما فقدت الامل اني اعالج الموضوع لوحدي
ومحتاجه مشورتكم:06: