الفتاة الثلجية :

مو شرط ترا بعض الحريم يحبن بناتهن لدرجة الجنون زوجة عمي تسببت في عنوسة بناتها لانها ترفض الخطاب الي يخطبون بناتها بنفس الحجج الي ذكرتهن صاحبة الموضوع وبناتها طيبات وساكاتات وعمي ضعيف شخصية قدامها وللاسف سوت نفس الشئ مع اولادها الاثنين بس اولادها تمردو عليها حطوها في الامر الواقع وقالو نبغى نتزوج وما اهتمو برايها وواحد منهم تهاوش معاها وترك البيت لانها كانت كل ما راحت تخطب خربت الخطبة تجلس منفسة وما تتبسم اللين البنت واهلها يخافوا منها رغم انها طيبة لكن حبها لاوداها وبناتها واصل الى حالة مرضية الاولاد تزوجو غصب عنها وتقبلت الامر الواقع والبنات جلسن بدون زواج اللين الكبيرة جاها خاطب وكان خال البنات موجود هو اكبر من امهن وهو عارف انها هي سبب عنوسة البنات وخالات البنات دايما يتهاوشن مع اختهن بسبب البنات لكن خوال البنات من ديرة بعيدة والاب شخصيته ضعيفة والاخوان ما اهتموا بمصير خواتهم المهم في وجود الخال الكبير فتحو موضوع خطاب البنت الكبيرة يقوم الخال يحلف على اخته ويقول ماني رايح من هنا ولا مسافر لديرتي الا لما اتمم ملكة هالضعيفة واجبر اخته بالقوة البنت تمت ملكتها وزواجها في شهر والام كانت في حالة ذهول لان اخوها جلس مستقعد لها تدرون انها يوم عرس بنتها ما رضت تغير ملابسها ولا تلبس اللبس الحلو الي اشتروه لها بناتها تدرون انها رفضت تستلم هدايا الضيوف وردت الفلوس وكل شئ كانت جالسة في زاوية من قصر العرس وكنا نطلب منها تقوم تسلم على الحريم وتستقبلهن وهي رافضة تدرون انها كان عندها امل تخرب الزواجة لاخر لحظة اللين البنت زفوها للعريس طاحت في الارض وصارت تتقلب وتمردغ نفسها كأنها مشتعلة فيها نار بنتها تزوجت وجلست خمس سنوات عند زوجها لكن تطلقت والسبب مشاكل امها المستمرة مع الزوج وباقي خواتها ولا واحدة تزوجت رغم جمالهن ومستواهن الراقي قبل مدة قرأت موضوع في الانترنت عن شئ اسمه فوبيا الزواج واظن امهن عندها هالمرض لانها عانت من زواجة قديمة لما كانت مراهقة وقبل تتزوج عمي وحتى معاملتها مع عمي جدا سيئة رغم انه الله يرحمه كان مدللها هي طيبة جدا لكن عندها مرض وما فهمنا هالقصة الا اخيرا بعض الحريم تعاني من امراض نفسية وتطبقها على اولادها وللاسف ما احد يكتشف هالموضوع الا بعد فوات الاوان رجاء اي مطلقة او اي معنفة من قبل الزوج السابق تحاول تظبط مشاعرها ولا تربي بناتها على كره الرجال او تمنعهن من الزواج

مو شرط ترا بعض الحريم يحبن بناتهن لدرجة الجنون زوجة عمي تسببت في عنوسة بناتها لانها ترفض...

عصفوره ناعسه :) :

عليكم السلام ورحمة الله وبركاته. الردود اللي يقولون امك تحبك ؟! يعني حاجه ماتعرفها هي مثلاً ؟! اكيد ماعندها شك بمحبة امها لها. بس انتبهي من الحب لا يتحول لتملك ! تعرفين هالشي امك تحبك ماقلنا شي وماقصرت بتربيتك بس اذا تقدم واحد كفو ورفضته امك عشان اسباب تافهه وماعنده سبب حقيقي ينرفض عشانه هنا لازم تتكلمين بكلام جد ومو كلام خايفه فيه ومتردده قولي ياامي كل مره ترفضين خاطب والاسباب تافهه اللي ترفضينهم عشانها ترى مو كل مره بيتقدم شخص كفو. بعده الناس بتاخذ فكره ان هالحرمه ماتبي بنتها تتزوج وماراح احد يتقدم لك لازم تحطين حد لشي هذا ماعندك احد يكلمها خلاص انتي قومي بالمهمه تزعل امك يوم يومين وبعده تشوفك سعيده بحياتك وتقتنع. بس تبقين ع نفس الحال لا كذا غلط. العمر يمر بسرعه اليوم 26 وبكره 30 وكل فرصه تقولك يجيك واحد افضل لين بالاخير تلاقين نفسك ترضين باي احد عشان تشوفين عيالك. طمنيها انك ماراح تنسينها قولي مستحيل انساك بس خليني اتزوج وتشوفين عيالي انا الحين بعمر مناسب لزواج ماني بالثانوي او الجامعه دام تقدم الكفو خلاص انتي اللي بتتزوجين خليك ع كلمتك. وقولي انا استخرت وارتحت وخلاص موافقه ولا تعطينها مجال ترفض. لان مالها حق بالشي هذا واللي بيتزوج انتي ، لازم نعرف ان الواحد له حدود مهما كان قريب لنا وقريب لقلوبنا سوا اب او ام او اخ او اخت او زوج او عيال ، مهما كان الانسان له اشياء شخصيه ماحد يقررها بالنيابه عنه ، واذا سويتي هالشي مو معناتها انك زعلتي امك او قصرتي معها هذا شي يخص حياتك قرار شخصي وماانتي صغيره عشان تقرر عنك خلاص وصلتي عمر وتخرجتي وعرفتي الحياه خلاص قرارك بيدك وماحد له حق يجبرك ع شي وحاولي تتواصلين مع ابوك مو بس عشان زواجك انتي اللي لابد تسألين عن ابوك لين يميل لك ويهتم فيك ابوك مشغول بحياته مثل اي انسان راح بحياته بس ذكريه فيك واهتمي بالاتصال عليه وتطمني عليه وبعده افتحي معه الموضوع مو بضروره الاهتمام يجي من ابوك انتي اهتمي بالاتصال فيه واسألي عنه وسبحان الله ماتدرين لو يصير قريب لك والسبب تواصلك معه. وهالشي مايقلل من قدر امك اكيد قايمه بحقها ومهتمه فيها وماتحتاجين اذكرك. موفقه

عليكم السلام ورحمة الله وبركاته. الردود اللي يقولون امك تحبك ؟! يعني حاجه ماتعرفها هي مثلاً...

امشي قدام وبس :

انا شكلي بصير زي امك 💔 من حبي لهم وخوفي عليهم اقول ماراح ازوجهم ☹️💜 امك تحبك مره مره وماترضى لك الا بالشي الزييين وتوك ترا لاتتزوجين الا على ٢٩ الى ٣٢ هذا الان انسب عمر للزواج عيشي حياتك وانبسطي مع امك وصاحباتك وقابلي البزنس ووسعيه ولاحقه على قومي سوي فطور قومي سوي غداء 🤮

انا شكلي بصير زي امك 💔 من حبي لهم وخوفي عليهم اقول ماراح ازوجهم ☹️💜 امك تحبك مره مره وماترضى لك...