امي و السايق ... ساعدوني

السلام عليكم حبوبات
كل عام وانتم بخير


الموضوع يا عزيزاتي اني امي دايم تطلع بالسايق ليل ونهار بشكل يومي تروح تتمشى وتروح اسواق وتخليه يوصل جاراتها وصديقاتها حتى بنص الليل
السايق حقي انا وزوجي مو حقها انا بالنسبه لي عادي ولا عندي اي مشكله انه يوديها ويجيبها محل ماتبي لاكن مو ملزومين ان السايق يودي جاراتها وصديقاتها في انصاص الليالي يوصلهم بيوتهم لمن يكونو سهرانين عندها
لاكن المشكله زوجي معصب ويقول مايصير كذا ينكرف السايق بشكل يومي لان السايق قد اشتكى لزوجي يقول انا اشتغل عندك انت كفيلي مو عندهم
وزوجي كلمني على اساس اكلم امي تخفف طلعات معاه لوقت الضروره فقط مع العلم ان اخواني موجودين عندها لاكن تبي السايق يوديها مشاويرها عشان ترجع وقت ماتبي وتروح محل ماتبي محد يقولها لا
وابوي رافض الطلعات الكثيره وزعلان منها ودايم مشاكل معها بسبب كثرة خروجها مع السايق


الحين مو عارفه كيف اكلمها واقولها عن كلام زوجي انه السايق اشتكى له عن كثرة المشاوير وبنفس الوقت هذه امي ولا ابي ازعلها ابددد وهي جدا عصبيه ودايم تفهم الكلام غلط وتفسره على كيفها
يعني لو قلتلها الكلام الي قاله زوجي ممكن تعصب وتقول انتو تذلوني ووووالخ


ياليت تشورون علي كيف اتصرف في الموقف هذا وكيف افهم امي ان زوجي معصب و خايفين ان السواق يهج يشرد او يقول بيسافر لان انا وزوجي في امس الحاجه للسايق بسبب اعاقة زوجي وبنفس الوقت مابي ازعل لا امي و لا زوجي