امي و النوم و المنصه والارهاق ....

السلام عليكم ورحمه الله وبركاته
قلت في مواضيع سابقه امي من بعد كورونا تكره الليل وتكره تقعد لحالها
طبعا طول اليوم انا معها
اصحى الصبح سبع عندي شغل طول اليوم ومنصه مايجي الليل الا وانا منتهيه
تعبانه اطلع على العشر ونص بنام
اول ماتغفى عيني
اتصالات من امي تعالي وتتحجج مره ابغى الشي الفلاني
مره شوفي ضغطي
صار عندي قله نوم وارهاق وتعب
دقات قلبي غير منتظمه توتر
واليوم الثاني تحسسني بتانيب الضمير تركتيني رحتي
انا بترك البيت بروح عند عيالي الثانين اقول لها عادي ماما اذا رخاي غيرتي جو
امي ماتنام الا ٣ و ٢ ونص
وتنقد علي ليه مااسهر
هي تنام طول اليوم وترتاح انا اشتغل طول اليوم وملتزمه بمواعيد
الي يشوفني من قل النوم يقول عندي طفل صغير
بصراحه قررت اصكر تليفوني بالليل
امي طلبت منها قبل تبني بالبيت اذا تذكرون الموضوع ورفضت ، لو بانيه جبتها بغرفه فوق وصارت قريبه مني احس نن قعدتها تحت
تقول نامي تحت ، مابي انام بالصاله وعلى الكنب ابي غرفتي وسريري