امي و اهل خطيبي

السلام عليكم
ارجوكم اقرأوا كامل الموضوع احتاج مساعدتكم لان ضايعه انا امتلكت قبل فتره من واحد درسة معه اول سنه بالكليه شافني و عجبته و حبني هو بنفس عمري هالكلام لما كان عمره ١٨ ما كلمني لاني ما اعطي مجال للشباب يسولفوا معي المهم هو كمل دراسه للدبلوم و بعدها طلع و توظف لانه حاطني ف باله يبي يكون نفسه قبل لا اتخرج و انا كملت دراستي و ما عندي علم باللي يصير معه حتى ما فكرت فيه ولا لحظه يوم قريب اتخرج رسل بنت عمه تفاتحني بموضوع الزواج و بعد تفكير مني و من اهلي انا ف البدايه حطيت اعذار قدام اهلي عشان ما اتزوجه قلت اهل هالمنطقه معروفين بالبخل و الحقد و انا ما اريده لكن اهلي قالوا لا يا بنتي ما يجوز تحكمي عليهم اجى و حطبني رسمي و وافقت لانه يحبني و اهلي قالوا يبون الملكه بسرعه ما كملت اسبوع الا مسلم اهلي المهر و ممتلك علي اول شي لاحظناه انه سوا الملكه ف بيته و معازيمه شوي رغم انه معارفهم كثير و نحن من عوايدنا الملكه تكون ف المسجد و نعزم عدد كبير قلنا مو مشكله بعدها جات حفلة الخطوبه كانت تفشل بكل ما تعنيه الكلمه و الهدايا اللي جابها تدل على بخل لما سألته قال انا جبت محد ساعدني بشي و هو مسكين يشتغل من سنه و نص و عمره ٢٣ سنه ابوه راتبه مرتفع و امه تكون بنت تاجر ثري لا ابوه ولا امه هدوني شي ولا حتى ساعدوه بفلس امه تشتري عطر ل نفسها ب ٨٠٠ ريال سعودي ليش ما تساعد ولدها كل مصاريف العرس على رقبة هالمسكين و اهله ما عزموا اهلي ف بيتهم ولا مره صار ماضي ع الملكه ٣ شهور وبيتنا بنفس الحاره و نحن عزمناهم كم مره و ما قصرما معهم اللحين امي تقول انها ما ترتاح لهم و تحس لازم اتركه هو يقول لي انتي لا تشتغلي و بطاقة البنك كلها بين يدك و مستعد يعطيني اللي اريده و يقول انه اذا تركته بيموت و انه يحبني كثير و انه مضى خمس سنوات يفكر فيني بكل لحظه و جمع كل فلس عشان يتزوجني و باع سيارته اللي يحبها انا احس هو م بخيل لكن اهله بخيلين و امي تقول مرجوعه ل اهله و كلام قبل العرس غير عن الكلام بعده هل كلام امي صحيح اتركه قبل لا يطيح الفاس بالرس او اتم معاه انا قلبي ما يطاوعني اتركه حزنانه عليه و انا استخرت لكن ما اعرف شو شعوري ضايع و بعد اريد اسألكم هل يصلح اطلع بشعري قدامه و ملابس ضيقه و يلمسني بأعتبار انه هو زوجي الحين ولا لأ