السلام عليكم:(
بنات انا كنت اعتزلت المنتدى لظرف خاصه بس رجعت ابكتب هالموضوع راجيه منكم الدعاء في ظهر الغيب
لانكم اخواتي وسبق ان شفت تفاعلكم لمن احتاجت الدعاء واتمنى تدعون معاي لامي
امي يابنات
امي بعد ولادتي بشهر نامت مافيها شي
صحت الصباح وفي رجولها حرارة بس في رجولها
وطلع حب في جسمها كله زي العنقز وحكه
وثاني يوم طلعت اربعه ثالولات في رجولها عند الكعب وفي باطن رجلها
وصارت الثالوله بقعه
بقعه غريبه كانها جمرة ملتهبه سوداء وداخلها احمر شكلها مريع الى درجه مخيف كل من شافه مانساه
واتطلع دم وصديد اكرمكم الله
ماخلت دكتور ماراحت
سليمان الحبيب - التخصصي- دله
كلهم مافي فايده يقولون مرض غريب وبكتريا نادرة وكل دكتور يشوفها يرتاع منها ويسوي لها تحليل سكر يخافون ان اللي فيها شي خبيث اعوذ بالله بس تطلع التحاليل سليمه
قالوا عين قلنا العين حق جبنا شيخ من شافها ذكر الله من الخوف قال هذي عين لامحاله بس عين من محب (اعوذ بالله اجل لو عدو شلون)
وصار يقرى لها بس كمان مافي فايده
جربنا الطب الشعبي نفس الشي
الحين صارت ماتقدر تمشي الا للضرورة
والله العايله كلها متأثرة ونفسيتنا زفت والناس كلها زعلانه عليها لان كل الناس يحبونها امي ماشاء الله انسانه تقيه
تحب الخير للكل مسالمه عفويه مثقفه والله ماامدحها لانها امي بس هذي شهاده الكل
والدليل عدد الاصدقاء ماشاء الله وحبهم لنا اللي يشوفهم يحسب انهم قرايب
احنا شكينا في وحده وجت الله يعطيها العافيه وجابت غسولها لانها كانت حاسه بنفسها
بس مافاد
وكل الحريم صاروا يجون يجيبون لنا من اثرهم بس مافي فايده حتى احنا اهل البيت اعطينها اثر بس مافي اي نتيجه
ادعوا لها امانه ادعوا لها في امس الحاجه للدعاء
عندي اخوي معاق وماله الا امي هي المعتنيه فيه وماتخلي احد يقرب له والحين هو فاقدها لانها ماتقدر تعتني فيه زي اول ومايرضى بالبديل اتعود عليها ادعوا لها يشفيها عشان اخوي مررة متاثرة نفسيته
وللعلم السالفه هذي جت امي بعد حفله سوتها لولدي لانها فرحانه فيه لانه اول حفيد واتخيلوا تقول الحمدلله اللي العين جت فيني وسلمتي انتي وولدك
اتخيلوا تتحمد الله انه سلمني وانا قلبي يحترق من اسمعها تقول كذاا
ياليت العين جت فيني وفتت عظامي ولا قربت شعرة من راس امي
الله يعافيك ويشفيك يااطهر قلب بهالوجود ياشمعه بيتنا ياامي:(
غلا ميشو @ghla_mysho
محررة
يلزم عليك تسجيل الدخول أولًا لكتابة تعليق.
بنت رجال
•
الله يشفيها ويعافيه ويشفي زوجي وجميع مرضى المسلمين انه هو القادر على ذالك
الله يشفيها يارب ويقومها بالسلامه ويجعل ماجاها تكفير ان شا الله ولاباس طهور ان شا الله وماقدامها الا العافيه الله يطمن عليها يارب اللهم امين
obma
•
الله يشفيها يارب ويلبسها ثوب العافيه ويحفظها من كل شر حبيبتي لا تياءسون استمرو على القران وماء زمزم وان شاء الله تطيب وتجين تبشرينا بعافيتها
الصفحة الأخيرة