امي ياناااس امي وانا بين نارين

السلام عليكم ورحمة الله وبركاته
والله العظيم يابنات ان امي تعاني من مشااااااااااااكل كبييييييييييره مع ابوي:arb: والي تبي تعرف اكثر تطلع على مواضيعي قبل سنه تقريبا او اكثر (المهم ابوي الله يسامحه ويغفر له مايبيها ولايطيقها حتى قبل زواجه بزوجته الثانيه ومعيشها من 40سنه بأنواع العذاب بشكل ماتتخيلونه ومخرب سمعتها عند الناس ومحتقرها وهاينها لدرجة ان الناس الحين مايحترمونها ولا ياكلون ولا يشربون عندها ولو تموت مااحد يزورها ولا تزور احد ولو تزور احد يقعدون يتغامزون عليها وهي ماعندها قرايب ابد وحييييده . حتى السوق لها سنيييييين ماتعرف شكله اقسم برب الكعبه ماعندها حتى غرفه نوم لان ابوي طاردها من غرفتها .من سنيييين تنام على الارض حتى سرير مافيه ولا وهل اليومين يقول امكم ماهي صاحيه مجنونه ووسخه وقذره . وعليه ذكاااااااء ودهاااااء واسلوب يتمسكن ويبكي ويقول امكم تحرش عيالها علي ومااددري وش تحط بأكلي وفراشي تحط لي به دبابيس قسم بالله قسم بالله ان امي ضعييييييييييييفه ومسكيييييييييينه ومريييييييييييضه وكل شوي تطيح من المرض ماتلقى الي يرفعها من الارض و ابوي رافض يجيب شغاله وهي الي تخدم عيالها وبناتها. عجوز عمرها 55 ومريضه تخدم :angry:ولا حمدا ولا شكورا والمشكله الادهى والامر ان عياله خبووووول يصدقونه ولي مكذبه عايش نفسي نفسي سواء المتزوجين او الي في البيت وغير كذا ما يناقش شايب بالثمانين وبه قلب وسكر وضغط وعصبببيي :mad:طبعا بس علينا اما زوجته بردا وسلاما وامي بس تبكي لين تدوخ وتنام .لين صارت بقايا انسان . :icon33:
الخلاصه
اني رحت عند اهلي اجازه في رمضان ويوم شفت الوضع زاد سوء اقنعت امي اني اخذها تعيش معي واقتنعت وقلت لابوي اني اباخذها فتره بس عشان اعالجها وارجعها .وقبل يومين اتصل ابوي يقول وينها طولت ؟ خليها تجي تخدم بيتها . واخواني بعد يرسلون رسايل ويتصلون وانا ماغير اصرفهم واخر مره اتصل علي اخوي يهدد ويتوعد يقول و الله لسوي وسوي انتي خربتي على امي حياتها ومليت راسها وتدخلين بالي مالك فيه ولو يصير للبنات شي بذمتك (لان اخر ضناها بنتين بالثانوي وولد بالمتوسط والباقي رجال ومتزوجين )وهو خايف انهن ينحرفن لانهن بفترة مراهقه طيب انا الحين احترت انا غلطانه ولا صح؟ واذا صح كيف اقدر اواجهه المشاكل والهجوم الي راح يجيني منهم هم وابوهم على العلم ان امي مصرره على موقفها وماتبي ترجع بس هالكلام ماينفع معاهم الا يعلونها حرب كيف اقدر اتصدا لهم ؟ الله يجزاكن عني وعن امي خير الجزاء ادعن لي ولامي و تنتهي السالفه من غير مشاكل.