امي يا امي الله يسامحك فيني😔💔

السلام عليكم ورحمه الله وبركاتهمساء الخير جميعاً. لي فتره من المنتدى مدري اذا هي فضفضه اكثر من انها مشكلهزي ماتعرفون مافي بيت ما يخلى من المشاكلولا في بيت الا وفيه اختلاف افكار ورأي وتصادمات ومشاحناتببداء احكي لكم كيف كانت حياتي وانا بنت لين لحظتي هذي انا وحيدة امي وابويالبنت الوحيده بين اولاد بتقولون مدلعه اخر دلع 😏والله لا دلع ولا غيره امي ما اذكر في حياتي وانا بنت معهم شرت لي من حُر مالها شيء نهائيا اذا اعطاها ابوي شيء وقال اشتري للبنت شرت لي ما اعطاها ما شرت لي والله لو احلف لكم ما تصدقون بديت اكبر وتعرفون لازم اغراض شخصيه لي. مافي ابشركم والله ماشميتها لا سنتيانات لا اغراض شيل شعر لا مزيلات عرق لا عطر خاص فيني ولا شيء. كنت اخذ سنتياناتها المقطعه. والبسها. شعر جسمي ورب البيت ادور امواس الحلاقه اللي وراهم واشيل شعري فيها. واموري تمام مدري من طيب قلب ولا بقارة ولا ايش. مدري. اهلي واحبهم حب جنوني. ما عمري رحت واشتكيت امي لاحد وانهم قاسين معي اوشيء نهائيا. حتى مع صديقاتي. ما احب احد يشوف فيني كسره او نقص دايم انا قويه وبالفعل الحمد لله قويه شخصيه ولي حضوري وناجحه وموظفه حالياً نرجع لامي. امي تحب تدعي علي زمان اقل القليل من الخطاء اللي اسويه تدق ع صاحباتها وتشتشكي مني عندهم لدرجه ان صاحباتها خذوا عني فكره انا العاقه القليله الادب. ما انكر وانا صغيره وبنت كنت شقيه بحكم تربيتي مع اولاد بس والله العظيم ماعمري عصيتها البيت كله براسي المطبخ الغسيل الكوي كله براسي انا ماعمري سمعت منها كلمه شكراً نهائياً. اللي لاحظته امي مكتفيه بحب ابوي لي ويمكن انها تغار مني مدري لانها اغلب الاوقات تشيش ابوي علي عكس اخواني اللي تعطيهم الفلوس وتبيع الذهب عليهم والله مو من زين اخلاقهم ولا من كفاحهم المويهم توظفت وانا لسا بنت اقسم بالله العظيم ماخليت شيء بخاطرها ولا شيء بالبيت الا انا اللي جابه يخي مره مره احب العطاء. اخواني واعطيهم البيت والمطبخ والمواعين كلها صارت بظهري تخيلو اصرف وانا مبسوووطه وقتها ربي معطيني بالي وسيع متناسية او ما احسب حساب اللي يصير علي من امي ومن اخواني لان لا يفوتكم كانت كمان تخليهم يضربوني. انخطبت وصارت الملكه بعدها بفتره ما ارتحت للولد ع طول طلبت فسخ الخطبه. يا الله ما احكي لكم وش صار علي الاب يضرب الام تضرب واوقات تمسكني لابوي عشان يضربني. والاخوان يضربون والله العظيم محد وقف بصفي طيب يا عالم الولد مو زين ابن تبن لا انتي التبن ليش توافقين من اول. واستمريت ع الحال ذا اكثر من سنه لا ولا يفوتكم التبن خطيبي رفض يفصخ كمان. ماخذها معاند وصار يشيش اهلي علي ان شوفوا من بنتكم شافت غيري. تعالو اللحين اقنعوهم. وسبحان الله اللي كان بصفي. وتمت فصخ الخطوبه. والله اللذي لا اله الا هو. ان ربي مع كل مظلوم وكل مضطهد. تخيلوا فسخت خطوبتي اول الاسبوع ولا جا نهايه الاسبوع الا والنظره الشرعيه لزوجي الحالي. طبعا. لا اخفيكم وش صار في ظهري من اهل الخطيب الاول من قذف وسب و و و وتشويه لصورتي واخلاقي وفوق ذا قالوا اني ماخذه شايب 😂😅. المويهم ملكت ع زوجي دا ومشت الامور تماااااااام ووالله مو شايله في قلبي ع احد مره مره طيبه لابعد درجه ابكي بفراشي واليوم الثاني ماصار شيء. ورحت ع زوجي واموري تمام زوج طيب ووظيفه وبيت واهلي احبهم وتغيرت اخلاق اهلي معي مليون درجه. شيء جدا يهبل بالنسبه لي. تقولون طيب حلـِو انقلبت حياتك للاحسنلا حبيبي استني اكمل الكلامعمر زواجي ١٣ سنه ال١١ سنه من زواجي واموري في السليم. لين السنتين الاخيره هذي. ورب البيت ما يجي ليله الا واتخيل كيف وباي طريقه ممكن انهي فيها حياتي😭😭😭💔شفتوا لمن تكابرون تكابرون تكابرون تكابرون وتوصلون لمرحلة الانفجار. وصلت لهذي الرحله 💔زي ماقلت لكم انا ما احب اشكي لاحد عن شيء كسر خاطري او زعلني. ماعمري شكيت للناس عن مشاكلي انا وزوجي ولا عن مشاكلي والحساسيات اللي تصير بيني ويين اهلي. كذا من الله ما احب ما احب احد ينظر لي بنظرة شفقه او رحمه او احد يدري اني مكسوره. مع العلم شخصيتي جدا جدا جدا قويه وقياديه وعصاميه ما امدح نفسي لكن مذا شخصيتي. واثاري شخصيتي دي سبب كسري وهلاكي. الواحد ما يحسب لكسر خاطري شيء. يقولون يوووه فلان ماعليك اصلاها كذا وكذا وماطقت لك خبر. فلانه لا ماتزعل مو سفيهه عقل عشان تاخذ بخاطرها. متناسين ان مهما كنت قويه جوات صدري قطعه قلبي ما يتحمل. تراه تفس اللي بصدوركم. زوجي انشغل بمشاغل الحياه والكد والرزق. وامي نسيت شيء اسمه بنتها مع زوجات اخواني يالله كيف اغبطهم على اللي تسويه لهم حارمتني منه ما عمري شفته منها والقى زوجات اخواني متنعمات بحنان امي 😭😭. والله يابنات انهم ساحبين على امي سحبه مو طبيعيه وان امي تطرد في رضى الوحده منهم. ما بقول لكم وش سويت لامي وايش وايش. من بعد ما تزوجت. مالي فضل. والله ياشغالتي وسواقي انهم رهن اشارتها. ويا راتبي ما يبخل عليها غير الهدايا و و و ولا عمري شفتها تفرح فيها زي ما تفرح باللي يجي من زوجات اخواني. هذا اذا افتكروا يجيبون لها. اقلها وحده منهم سافرت جابت لامي عطر اي كلام تخيلو امي وش سوت تنزل صورته بالانستغرام وبالسناب وتكتب يهببل زيك ياقلبي يجنن زي روحك الحلوه. تدخل امي ع حساباتهم بالانستغرام وتدلعهم وتعالوا شوفو المدح. والثناء. وانا يا بنتها ولا شيء. تخيلوا لي اسبوعين انا وعيالي مرضانين اخرها من اول امس واكتشفت ان عندي حصى بالمراره من كثر الحاله العصبيه اني اكتم بنفسي. على بالكم احد منهم دق بابي 😭 وربي محد هم معي بنفس المدينه. اشياء كثثيييييييييير يا بنات مقهوره منها. لا احد يقول اشغلي نفسك. هذول اهلي امي يا عالم امي وربي انقهر لمن حبها وحنانها يروح لغيري وانا طز. ماعندي اخوات افضفض لهم ولاحتى زوجي يدري. قلت لكم ما احب احد يشوفني ضعيفه. صديقات عندي. لكن كم بتستحملني الوحده. كلن ومشاغله وعنده اللي يكفيه من هموم الحياه. فضفضه لا اكثر وترا هذا فيض من غيض. 😭😭😭اسفع للاطاله😔