امي يا حلوات تطلب منكن المشوره لا تحرموها رأيكم السديد..

السلام عليكم ورحمة الله وبركاااته

كيفكم اخواتي ؟؟

الله يجزاكم خير ابي من الجميع ابداء الرأي والمشوره وياليت يكون فيه من طلبة العلم او من لها باع في العلم الشرعي


امي تجاوزت الستين وتدرس في دور التحفيظ في الرياض وسعيده بهذا الشي.. وابي متوفي..

لها اخ فوق السبعين عقيم وزوجته قريب عمرها من عمر امي و ساكنين في قريه صغيره ويشعرون بالوحده لان خالي ماله اخوان ولا اخوات غير امي ..


المهم : زوجة خالي قريبه جدا من نفس امي وتحبها كثيرا وهي كذلك وبينهم عشرة عمر وقد سكنوا في بيت واحد ايام الشباب..

يعني بينهم عيش وملح...

امي دايم تجيهم تونس وحدتهم وتقعد احيانا شهور بس ترجع لبيتها

اللي صار انهم الان يطلبون من امي وبألحاح شديد انها تكون عندهم وانهم حاسين بالوحده والطفش..
امي الان محتاااره ودها تونسهم وتكسب اجر فيهم وبنفس الوقت تبي تدرس التحفيظ في الرياض وتاخذ اجر حفظ القران وسماع المحاضرات!

هي محتاره وتبي تعرف الاجر الاكثر وين؟؟ في قعدتها عند اخوها؟؟ وتونيسهم؟؟ او قعدتها في الرياض ودراستها التحفيظ؟؟

تطلب منكن المشوره .... لا تحرموها ... بانتظاااركم لا حرمكم الله الاجر...