ام اسامه قالوا عنها عجوز عقيم وربي رزقها

السلام عليكم ورحمة الله وبركاته
هذي تعرفت عليها فالاستقرام وكنت اشوف الكلام والصور الي تعور القلب كان تقول أنا عجوز وعقيم
وزوجي فقير خلاص ما في أمل حمل (عمرها ٤٣ مره تقول ٤٥ ) وقَعَدت أخذ وأعطي معها وترد تقول أنا سويت ٦ عمليات انابيب فالحكومه و الخاص فلان وفلان أخذ فلوس وكله فشل وهي قاعده تتكلم (تتألم ) وبعد فتره عرضة قصتها على وحده وقالت ايش رأيكم نسوي تاق في تويتر لعلى الله يسخر لنا ويرزقنا لو نص المبلغ أو الحكومه تساعدنا على الأقل التأمين يكون شامل الادويه(العقم)
والحمد الله ربي يسر لها علاج فالاردن والله كانت تنقل لنا فالقروب معنا مجموعه طيبه كثير اول بأول وكانت تصور بعض الشغلات
ونقول الله كريم بنيه تصبير مو يائسين من الله لا بس اعوذ بالله تردد شلون ٤٥ سنه !!! الله هو القادر
وبشرتنا بحملها ب٤ توام وهي الان بالشهر السابع وننتظر بلهفة لسماع فرحتها اسأل الله الذي خلق الانسان من عدم ان يتمم فرحتها
ويرزقنا الذريه الصالحه الباره المعافاة ويجبر خواطر كل متاخره عاجل غير اجل يارب العالمين