الحمدلله البنات نعمة.. فديتهن

انا عندي بنتين مثل العسل بسم الله عليهن وما اتخيل حياتي بدونهن ((ربي يحفظهن))، وحامدة ربي وشاكرتنه على عطيته،، وما علييه من كلام الناس،، هذا رزق ربي ومو معترضة علييه ولله الحمد والمنة..

واللي مب عايبنه يدق راسه بالطوفة...................................((قصدي اللي يعلقون على خلفة البنات))

لا تشيلون هم الناس وكلامهم اللي ماله معنى.. وترى البطن اللي شالت البنات تشيل الصبيان بعد بأمر من الله..

تحيــــاتي،،

نسيت اقلكم يابنات تردوا على مثل الناس دي وتقولولهم

الرسول عليه الصلاة والسلام ابو البناااااااااااااااااااااات...وكانت فاطمة رضي الله عنها هي من احب خلق الله اليه وكان اسمها (ام ابيها) من حبه الشديد لها....يابختنا بالبنات...مفيش احلى منهم...شوفوا بنتي الصغيره ...ماااااااااشاء الله....علطول تحضني وتبوسني وتقولي حبك ماما وهي يادوب بتتكلم...

على فكره الكلام ده مش بنصبر بيه انفسنا لا دي حقيقه وسبحن الله مين خلق البنات ومين خلق الاولاد...مش هو الله اللي خلقهم....ليه نفسي اعرف نفرق بينهم؟؟!!!!!!

"يرزق من يشاء ذكورا ويرزق اناثا ويجعل من يشاء عقيما "

والله يابنات انتو فيكم هالعقد وتعتقدوو ان العالم تقصد وتلمح وووو الخ....
:09:
البنت مثل الولد ان كنتي كفؤ واحسنتي تربيتهااا

وصاحبة الموضوع صدقيني تربية الاولاد اصعب لان تركيبتهم النفسيه تختلف يعني اكشن على طووول الله يهديهم

مع العلم ان ماعندي نونو للحين بس اشوف امي وتعبها مع اخواني !!!

الله يرزقك ولد تقر عينك فيه :)

اود ان امسي على الجميع وانا بعد عندي بنتين وحامل ولو تجيني بنت عادي جدا احطها بعيوني هذا امر الله

هلابكم يا امهات البنااااااااااات والاولاد ان شاء الله .. ليه مره صايرين حساسين انا عندي 6 بنات وماشاء الله تبارك الله الناس مابقوا ولاخلوا نغزات وقط كلام لكن والله كله ورى ظهري الله الرزاق وفرحانة فيهم وجبتهم وانا صغيرة والان كل من شافنا قال خوات واعتمد عليهم باشياء كثيرة ونافعيني
الله يسخر لهم ويخليهم لي يارب ويخلي لكم ماعطاكم ....
واي وحدة تسب عيالها او تربيتهم وتخاف من العين هذي ناقصة بجد واقول لها خافي من العقوبة وخلي عيالك بحالهم لاتمدحينهم ولاتذمينهم اللي ربي كاتبة لهم بيصير ...
حتى انا اخاف على بناتي من العين لكن ما توصل اني اجلس اهولها قدام الناس واشتكي الحمدلله ادعي ربي واتوكل عليه ..... وبسسسسسسسسسسسسسسسسس احس موضوع هذي عندها بنات مسكينة صار قديم وغثيث والمفروض ما نهتم او نعطي الموضوع اهمية والخيرة فيما اختارة الله ..
وادعوا الله يختار لي ولكم الصالح ويرضينا ويقر عيونا وسلااااااااااااااااااامتكم ما عاد فيه حكي ...