ام البنات والعيال اللي ناكشين شعرهم في الرياض غاليري بسرعة تعالو صفوا طابور

:35:
هذا المنديل باربطه كل ما عصبت هو زي ما قلتلكم يشبه منديل ابو أوية حق المصارية بس تدرون مع زود الزعل ينزل علي عيوني :hahaha:
ما علينا
اليوم في الرياض غاليري ... ويعلم الله ما أحب اروح المولات آخر الإسبوع علشان لا اشوف غثا بعض الناس بس حكم ربي ورحت
اما اللي شفته
زحمة بنات وعيال ... بزارين
وعند الباب رقم 2 والسيكيوريتية ما قصروا منعوا دخول غير العائلات وبعضهم ماعجبهم الموضوع ومسكوا حارس الأمن وفرشوه في الأرض ضرب وهو رد عليهم ماقصر ورحمته هو كم راتبه علشان يتحمل هاالقرف مسكين واكيد مو أول مرة ولا آخرها
خلينا منه
عند الباب واقفين بنتين واحدة منهم ناكشة شعرها موديل القنفذ يالطيف الطف
وكاشفة شعرها
بس هي صغيرة ما ادري بين 13 و15 اعتقد
وخويتها مثل عمرها تقريبا مسوية جل شعرها طويل وماسكين جوالات ما ادري بلاك بيري ويتضاحكون بصورة ملفتة ويتمايلون علي بعض وهم يأشرون بضحك علي الشباب اللي متجمعين علي الباب زي الذبان
والشباب تعجبهم هالحركات وعلوا صوت الأغاني اشارة للتجاوب والبنات انتبهوا
وقربوا للباب وواحدة تقول للثانية شوفي علشانا او شى زي كذا
وانا مستغربة
هذولي وين امهاتهم يعني صغار مرة وين عوايلهم عنهم الساعة 11بالليل
المهم البنات طلعوا الشارع وقربوا من المشهد وقفوا علي الرصيف وكل واحدة تطقطق بجوالها
يعني امها ما ادري ابوها يحسبون ان البنت عند الباب ولا رايحة السوق مع هالأجهزة اش تسوي بتشرح سورة يس علي الرصيف
بتوزع أهم فتاوي بن عثيمين
ولا بتترشح لشاعر المليون
والشباب شافوا هالشوفة وشاشوا علي طول
اللي يرقص واللي يسوي حركات بايده قلة حيا واللي يصارخ
وتمنيت ان حارس الأمن يدخل البنات والحريم كلهم
يعني انا مرة يقهرني مشهد الحريم وهم زي الغنم اللي جالسة واللي واقفة واللي بالأرض
والله مو منظر
يعني اوقفي داخل من ورا الباب زجاج وتشوفين السيارة ولا يسويلك مس كول
يامالكن للشحم يالحريم
خربتوا الدنيا الله لا يوفق كل واحدة تتعمد تفتن الناس ... خربتوا الشباب ... ضيعتوهم حسبي الله عليكم
وبعدين هذولي يستنون برة اقل شي ربع ساعة
ماله داعي مسرحية انا استناك وتعالوا شوفوني
المهم
شوي وجات امهم
شوي هاذي 20 دقيقة وانا واقفة ورا الباب عند الصرافة واحسب البنات يستنون السيارة
أثرهم هم في جيهة وامهم في جيهة ما تدري عن بناتها
شفتوا الأمانة
وامهم شافتهم وصرخت في البنت نادتها داخل
والتفت للأم ان مظهرها محترم ... عبايتها علي الراس وسيعة ومو مزخرفة وفرق مرة بينها وبين هاالقنفذة اللي برة
بس الأم بهدوء شدت البنت وطلت لاقت العيال برة زي النمل وبمظاهر غريبة
وقالت باسم الله وش ها الوحوش
ايه طبعا وحوش لأنهم مو عيالها ,,,,,,,, وانتي بنتك اش مسوية غير زيهم وهي بعد وحش
ودخلت البنت تتقصع بدلع يمين وشمال لو انها بنتي كان ذبحتها قليلة الحيا
هالحين تهقون هذي واقفة ربع ساعة برة تتوقعون ما احد صورها وخويتها
ولا ما احد من هالشباب اعطاه رقمه
ما فيه حزم ولا تربية
وهذولي الشباب مايقل عن 20 سيارة كله مشغل أغاني وموسيقي أشكال وأنواع بالصوت العالي
وشوي وجات الشرطة تفرقهم
وقبل يمشون وعلي الطرف من دخلة السوق هذا بعد ما ركبت السيارة
يطلع واحد راسه وفيه بنتين ماشيين بالشارع لوحدهم بدون رجال وطرف السوق مظلم شوي من برة
ويقولها ترقصين ترقصين .. اش ها المسخرة الساعة 11 وربع بالليل
يا ناس استحوا علي نفسكم
استحوا كافي
البلد في حالة حرب تفهمون ولا ما تفهمون
وانتوا مشغلين أغاني .. احترموا بلدكم
احترموا مشاعر الناس صار عندنا حول مية شهيد يابجم وانتوا ترقصون في سياراتكم
ليت الموت فيكم مو فيهم هم خيرة الشباب البلد تعبانة عليهم
وانتوا جيفة كلاب ما يهم لو اختفيتوا من الدنيا انتوا ما اثرتوا فيها أصلا علشان تفقدكم
ياناس هذولي اللي استشهدوا عالم ماتت علشاني انا وانت وانتي
مالكم كيف تعقلون
يموتون علشانا وهم في عز شبابهم ويحبون الدنيا أكيد مثلنا
بس عاشوا بشرف وماتوا بشرف
الدنيا معتفسة بين فيضان جدة وحرب وقلة أمطار وحنا عيالنا لهم نفس يرقصون علي أبواب المولات
أجل استنوا اللي جاي أكثر :44:





سؤال بعيده كثير
في أم منكم سألت ولدها ولا بنتها اليوم وين رحتوا ومع مين كنتم واش سويتوا