السلام عليكم ورحمة الله وبركاته
حياكم الله اخواتي
حبيت استشيركم بمشكلة خاصة
السالفة ياطويلات العمر
عن ام جيراننا
ايييييييييييه ام الجيران
انتقلت لبيتي الجديد من اكثرمن سنتين ونصف
بيتي عبارة عن دبلكس صغير والدبلكس الثاني تملكه حرمة وهي المذكورة اعلاه
وهي للمعلومية مطلقة مرتين ويسكن معها عيالها فيه منهم شباب واطفال وهي مديرة او حاجة زي كذا يعني لها منصب وعمرها بمنتصف الاربعينات يعني مو كبيرة مرة
وبما ان بيتنا وبيتها دبلكس فبيكون فيه حاجات مشتركة مثل الصرف الصحي وانتم بكرامة
ومثل الغاز المركزي وغيره
المهم من اول اسبوع سكنا فيه وهي مطيحة الميانة مع زوجي
وداقه على جواله تتعرف وش اخباركم ؟؟ ومن انتم ؟؟ وغيره ماعاد الا تأخذ كرت العائلة
المهم انا نرفزت وصار بيني وبين زوجي موقف منها
هو قال لي كبري عقلك هي حرمه كبيرة وصوتها كنه صوت رجال ومافيها تغنج ولاشيء >>صادق سمعت صوتها مسكينة مايفتن بس ولو :30: الشيطان مامات
المهم زعلت وقلت له ولو تبقى حرمه ومااتوقع انك ترضى اكلم شايب واسولف معه واقول شايب
المهم قلت له اذا اتصلت مرة ثانية قل لها اذا تبي شيء تكلمني
المهم هي الله يستر علينا وعليها سليطة لسان يوميا اسمعها تتهاوش مع عيالها والشغالة وتسب وتلعن
وتتهاوش مع الرجال سواء عمال او سباكين اوغيره وزوجي صار يكرهها لانها يسمع الفاظها وصوتها
المهم رجعت تدق على جوال زوجي وهو سفهها ولارد على اتصالها
وخلت ولدها يتصل ويكلم زوجي باللي تبي وقلت حلو فهمتها
بس بعد فترة اتصلت على زوجي ورديت عليها وسلمت وتبي تتعرف بس انا ماتقبلتها وكلامي كلمة ورد غطاها
لان اسلوبها ابد ماعجبني
وقلت لها زوجي يسأل وش تبين قالت لي وش تبي وقلت لزوجي وصلح الموضوع
وبعدها خلت عيالها الشباب يكلمون بس شكلها ماتعتمد عليهم
رجعت دقت على زوجي قال لها اذا بغيتي شيء خلي عيالك يكلموني قالت لايهمونك عيالي دبش مايفهمون :eek:
انا هنا طرطعت قلت خير ان شاء الله وش عندها هالمخلوقة
صارت كل مدة تدق ولاهمها وزوجي يرد عليها كلمة ورد غطاها ويكلمها بوجودي حتى انا احاول احسسها اني موجودة اتكلم او انادي عيالي عشان تسمع
انا متأكدة انها تدق على اشياء ضرورية لكن والله كل مرة تدق شوي وتنفجر مشكلة بيني وبين زوجي بسببها:angry2:
لان خايفة انها تطمع فيه
ومهما كان تبقى هي حرمة وهو رجال:30:
ويقول مااقدر اطنش اتصالاتها لانها اشياء هامة
مرة ماسورة موية عندنا منكسرة وتسرب عليهم
ومرة يتفاهمون على شبكة الصرف الصحي:16:
تكفون ياحكيمات حواء دلوني على تصرف يحط لها حد
فكرت ارسل لها اذا بغت شيء تدق علي انا
وخفت تعرف نقطة ضعفي وتقهرني او تتهجم علي لانها سليطة
احس اني مخربطة وكلامي عشوائي
بس ان شاء الله فهمتوني
تكفون ابي الحل الله يوفقكم وييسر اموركم
اللي ترد رد يضيق الخلق وبتتهجم الله يجزاها خير في زر فوق على اليمين اسمه خلف تضغط عليه والله يسهل عليها مو ملزومة ترد
واللي بترد تحط نفسها مكاني
وماراح انساكم من الدعاء:(
البـتـول @albtol_21
عضوة جديدة
يلزم عليك تسجيل الدخول أولًا لكتابة تعليق.
انا عندي لك حل ان شاءالله يعجبك اذا قلتي لها لاتتصلين على جوال زوجي وهي ماسمعت كلامك وقاعده تتصل عليه مافيه حل الا انك تحولين رقمها لجوالك يعني اذا اتصلت على زوجك يتحول الاتصال عليك وكلميها لاقالت وين زوجك قولي ايوه هذا جواله بس هو مشغول او نايم وقولي ويش تبغين انا اوصل له اللي تبغين وبكذا تحسب انها تتصل على جواله لانها لو تدري انك محوله الرقم يمكن تدور لها طريقه ثانيه تكلم زوجك فيها
خليه يعيد عليها لو تبين شيء كلمي احد غيري متلا الحارس وفكت التحويل حلوة وبعد نتى لا تملين خليها هي اللي تمل
الصفحة الأخيرة
الحمدلله واثقة من نفسي
بس كثرة احتكاكاها به هي اللي مضايقتني
هي صح كبيرة بس مب عجوز يمكن بمنتصف الاربعينات