السلام عليكم
والله من قهري كتبت قصتي عشان بس انصح نصيحة عساها تكون في ميزان حسناتي
القصة أول وبعدين النصيحة
انا زوجي اتوفى من 19سنة وترك لي 3 ايتام 00وترك ورا خير والحمد لله 00
والورثة انا واولادي وامو وابوه 0000طالبت بنصيب اولادي ونصيبي من الميراث
لكن لا حياة لمن تنادي حسيت انهم ما يبغو يعطوني حقوق اولادي عشان مخونينني
وهادي ما قالوها بلسانهم بس انا استشفيتها من كلامي معاهم المهم تركتهم على حالهم
وقلت اذا كبروا الاولاد يصير خير 000مع اني دخلت في الموضوع ناس خيرين بس ما
انصفوني انا ما الومهم هم كان لهم وجهة نظر وانا كان لي وجهة نظر ثانية 000
وعلى فكرة طلعت من بيتي اللي بناه زوجي واللي تونا سكننا فيه قبل ما يتوفى بسبب
مشاكل كثيرة وسكنت في ايجار واشتغلت وربيت الاولاد ومضت الايام بحلوها ومرها
وكان سندي بعد الله والدي حبيبي الله يرحمو ويسكنو جنة الفردوس وهما ولا هما هنا ما
يدروا لا عن دراسة ولا عن مرض ولا عن شيء ولا حتى زيارات ما يزوروا انا كنت
اروح لهم بين فترة والثانية لانو هادا الشيء كان حيسعد زوجي مرة لو كان عايش وما
اسمع غير دق وتلقيح فقررت اني ما اروح لهم بس اولادي يروحوا لهم في فترات
متباعدة عشان ظروف المواصلات وغيرها 000 وكانوا ما يسلموا من الكلام اللي
يجرحهم كانوا يملوا قلبهم علي فكرهوا الزيارات هادي وما صاروا يروحوا الا بضغط
مني عشان كنت اذكرهم بالله وصلة الاقارب و0000 المهم بعد انقطاع دام سنين زرتهم
وحاولت ارجع العلاقات لاسباب كثيرة ما اقدر اقول لوجه الله لانو مو واجب علي
صلتهم اقول سببين من ضمن اسباب كثيرة انو الاولاد ما يحبوا زيارتهم فلما اكون
معاهم يهون عليهم الموضوع وانا ما ابغاهم ينقطعوا عشان الصلة واجبة عليهم وكمان
عشان واجهتنا الاجتماعية قدام ارحامنا الجدد 000الحمد لله ولدي الكبير
بفضل الله خلص دراستو واشتغل وباقي اثنين بيدرسوا 000في الفترة هادي ماتوا الابوين
وماتت الاخت الكبيرة اللي كانت اصلا شريكة في جزء من الورث 000بكدا اتشعب
موضوع توزيع الورث عشان افراد كثير دخلوا في الموضوع العمات والاعمام وزوج
الاخت وبناتها بدأنا من جديد نطالب بحقوقنا هادي المرة انا ما فتحت فمي معاهم
ولدي هو اللي يتصل بهم 0000لكن تعالوا شوفوا انواع المماطلة 000اللي ما يرد على
التلفون واللي يعطي موعد ويتخلف عنو واللي يقول انا مو فاضي وبعد تعب ومجهود
قدر ياخد وكالة من الجميع ما عدا واحد من الاعمام وزوج الاخت بيماطلوا حتى الان
اللهم رد لنا حقوقنا ردا جميلا يااااااااا كريم املي في الله كبييييير
نسيت اقول لكم سلايفي كان لهم دور كبير في الجفا اللي حصل بيننا 0000كل وحدة فيهم
كانت خايفة على زوجها لا يتزوجني 0000مع انو علاقتي باهل زوجي ما اقول ممتازة
بس كانت جيدة جدا في حياتو الله يرحموا
النصيحة
اتقوا الله يا ام الزوج ويااخت الزوج وياوالد الزوج
اكرموا زوجة ولدكم ما يكفيها مصيبتها في فقدها لزوجها وترملها وتيتم اولادها
تقوموا انتم بدل ما تكونوا سند لها وعون تنقلبوا ضدها تراكم من ريحة الحبيب الغالي
اللي راح وخلاها
وانتم يا السلايف ترى الدنيا دوارة ما تخافوا على عيالكم ربي يسلط عليهم اللي ياخد
حقوقهم
ترى لو الوحدة حطت اخو زوجها في راسها وتبغى تتزوجوا في الف طريقة وطريقة
وقدر الله ما منو مفر ولا احد يقدر يردوا
طبعا انا ما اعمم بكلامي هادا جميع اهل الزوج منهم كدا ومنهم كدا
اتخارجوا من الحقوق وخلصوا رقابكم في الدنيا اليوم فوق الارض وبكرة تحت الارض
وبعدو حيكون يوم العرض
قصة حقيقية
انا لي صديقة اخو زوجها اتوفى وترك ولدين صغاااااار وبعد ما خلصت العدة سالوها
ان كانت تبغى تتزوج او تبغى تقعد على عيالها 000اختارت عيالها اتفقوا الاخوان
واشتروا لها بيت 000 وجابوا لها سائق وخدامة 000
وخصصوا لها راتب شهري
وكل شهر المقاضي توصلها لحد بابها 0000
ما شاء الله الدنيا حظوظ
يا اخوات بس اطلب الدعاء لي ولاولادي ان ربي يسهل الموضوع وترجع لنا حقوقنا
واذا في نصيحة انصحوني وسامحوني على الاطالة
بس لااااااحد يدعي عليهم
من غير امر عليك اقرئي الردود قبل لا تحطي ردك جزاك الله خيييييييير
شموخ أرملة @shmokh_arml
محررة ذهبية
ام الزوج واخت الزوج والسلايف واخوان الزوج ووالد الزوج كلكم مطلوبين حالا بالا ادخلوا
163
8K
يلزم عليك تسجيل الدخول أولًا لكتابة تعليق.
شيوخها
•
حرام كذا ليش مايعطونكم حقكم اصلا اككل مال الايتام حراااااااااااام حسبي الله عليهم مااحنو عليكم ولا عطوكم من ورثكم شي ابد
عليك انك الحين تحطين محامي كبير يطلع لك كل حق زوجك حتئ الريال يطلعه منهم ماعليش حبيبتي هذا حق اولادك وحقك بعد يعني مو حرام تطالبين انتي تطالبي الحق
عليك انك الحين تحطين محامي كبير يطلع لك كل حق زوجك حتئ الريال يطلعه منهم ماعليش حبيبتي هذا حق اولادك وحقك بعد يعني مو حرام تطالبين انتي تطالبي الحق
الله يسهل امرك ويوفقك وياخذ حقك وحق اولادك --كلامك مافيه الي يعيبه ويكفي صبرك واحتسابك وبقاك على تربية ايتامك الله يعوضك برهم وصلاحهم----والسلايف الله يورينا فيهم بقدر مااخطن بحقنا هواعدل العادلين ---فيه بحياة الاسريه ملف خاص فينا احنا الارامل ليش ماتدخلي معنا والله بتجربتك ومدةترملك بتساعدينا بخبرتك ونصايحك --انالي 6شهور ارمله يهمنا وجود ك وخبرتك وفقك الله ورحم ازواجنا00والدنيا فانيه فانيه
الله يسهل أموركم وينصركم ع الظالمالله يسهل أموركم وينصركم ع الظالم
آآآآآآآآآآآآآآآآمييييييين جزاك الله خير
الصفحة الأخيرة
وينصركم ع الظالم