ام الزوج وبعض حريم العيال 😤

الأسرة والمجتمع

السلام عليكم ..


ابي اتكلم عن هالموضوع شوي
قبل يومين توفيت وحده عندنا اسمها ام صالح
ام صالح عمرها بالستين مزوجه عيالها عددهم 4
ارمله طبعا
ام صالح الكل يشهد بطيب اخلاقها انسانه حبوبه هاديه اعرفها انا شخصيا
متسامحه ماتحب تتكلم بالناس رايحه من حالها في شانها
ياناس مزوجه عيالها وكل حريم عيالها خسيسات
مسيكينه جالسه بالبيت لحالها وجاها سكر وضغط وتعبت من الوحده
سبق و راحت تعيش عند عيالها
مالقت غير التعامل السيء من حريم عيالها
مغتثين مايبونها وياويل رجالهم يجيبونها بيوتهم
ورجعت تعيش لحالها
وجاها مرض خطير والله مو مفتكره اسمه بس يقولون جلس ياكل فيها من جوه


وراحت شكت لواحد من عيالها ويوم كان بياخذها بيته قامت الدنييا ولاقعدت من زوجته
بحجة ان امه بتعديهم ومرضها اصلا مايعدي ..
وتركها وماغير اهل الخير يودونها ويجيبونها عالمستشفيات 😭
عيالها خايفين من حريمهم ..
الناس كلهم عارفين قصتها وحريم عيالها ثلاث خوات ووحده تقرب لهم ..


ياناس الام تنومت وماتت ومادروا عيالها انها كانت متنومه ..
وانهاروا يبكون وواحد توه وعي على حاله وراح طلق زوجته يوم حرمته امه !!
وع باله بينفع يوم خرب بيته بعد موت امه !!!!!
بعد اييييش ماعاد يفيدبالغرض الندم
كم عانت هالمسيكينه في بعد عيالها وانشغالهم عنها
كم بكت وتوجعت وحزنت يوم ربت وتعبت وبالنهايه تشوف عيالها ماينفعونها بسبب تسلط حريمهم
اذكر في عزيمه كنت جالسه وام صالح جالسه وقالت لها عجوز والله ياام صالح ليتك ماجبتيهم لو عشتي عقيم انتي وابوهم ازين لكم ماتشوفينهم يادوب ورى حريمهم ..


ردت ام صالح ..لا اصلح الله حياتهم وحريمهم وبزارينهم لهم انا ماعلي ربي يتولاني ..
وعيونها كانها فيها حزن
قلب الام ياناس 😭


القصه اختصرتها وماحكيت لكم عن مواقفها مع حريم عيالها شي يقهرررر
النهايه ماتت ام صالح محرومه من عيالها بعد معاناة طويله في وحدتها
وعيالها اللي اسميهم اشباه رجال باعوا امهم ببلاش لجل عيون حريمهم
......ماادري شقول بس عنجد انا حزينه على الامهات اللي مثل ام صالح
الله يرحمك ام صالح ويجعلك من اهل الجنه




انا بعد ام صالح واللي صار لها احب اوجه كلمه للحريم هنا
خافوووا الله في امهات ازواجكم
والله مايضيع عندالله لاصغيره ولا كبيره
لو زوجك حرمك امك او سب امك والله ماتسكتين لتحرقين الدنيا


اتكلم عن العينات اللي مستقويات ع امهات ازواجهم المسيكينات ....
مثلما استقويتي ع ام زوجك ..بيجيك يوم وتضعفين فيه ويجيك من هو اقوى منك
ويشربك من نفس الكأس
الرسول صلى الله عليه وسلم يقول ليس منا من لم يوقر كبيرنا ..


يومك تصلين وتتعبدين الله وتخافين من الله
خافي الله في هالعجيز ..
اعتبريها امك
ولو قست عليك ..
تحمليها ..
زي ماتتحملين امك ..
اشوف بعض الحريم فيهم وساخه ان تتزوج ومن البدايه ام الزوج تصير عدو
بدون سبب بس مع الهبه !!
وبعضهم تحرض زياده من زود نجاستها


شي مؤسف والله ان هالعينات كثروا بمجتمعنا ...


بالنهايه موضوعي كتبته بشكل عفوي
وادري بيجي حريم يعارضوني ويمكن يسبوني ..الله اعلم
بس كتبت الموضوع نيتي فيه لله
وتاثرت كثير باللي صار لام صالح ..
والله المستعان
50
7K

يلزم عليك تسجيل الدخول أولًا لكتابة تعليق.

تسجيل دخول

مجروووحه2017
مجروووحه2017
لاحد يجي يقول عيالها ..حنا عارفين عيالها غلطانين ميه بالميه
بس كل ربعنا يعرفون ان العيال طيبين جدا بس حريمهم شخصياتهم جدا قويه ..ومتسلطات واتهموا امهم بالخرف والجنون والامراض علشان يبعدونها ..
هذا اللي عرفوه الناس عنهم
ورود ملوونه
ورود ملوونه
الله يرحمها ويسكنها الجنه
الغلط غلط الرجال المفروض اي حرمه ترفع صوتها على امه او ابوه يطلقها لو وضع خط احمر عليهم ماتتعداه ماتجرأت اي حرمه اصلا تقول بس امك او ابوك يعني ماتقدر تجيب طاريهم على لسانها حتى لو هم غلطانين الاب والام خط احمر حريم اخر زمن الاب والام مايتعوضون اذا فقدناهم الزوجه تتعوض
أولادي أغلى ماعندي
لاحد يجي يقول عيالها ..حنا عارفين عيالها غلطانين ميه بالميه بس كل ربعنا يعرفون ان العيال طيبين جدا بس حريمهم شخصياتهم جدا قويه ..ومتسلطات واتهموا امهم بالخرف والجنون والامراض علشان يبعدونها .. هذا اللي عرفوه الناس عنهم
لاحد يجي يقول عيالها ..حنا عارفين عيالها غلطانين ميه بالميه بس كل ربعنا يعرفون ان العيال طيبين...
هذا هو تموتو لو ماحطيتو الغلط على حريم العيال
قلك حريم عيالها قوايا
والرجال طول بعرض بشنبات ياحرام مايقدر يقول لزوجته شي
لو فيهم خير كان هم تناوبو عند امهم
وقعدو عندها
بيتها اشرف واكرم لها من شحططتها ببيوت العيال
يحيبو شغالة لأمهم
وهالاربعة الشحوط كل يوم واحد يجي يستلم دوره عند امه ينام عندها ويقوم بخدمتها
هذا اللي يبغى يبر بأمه مافي شي يمنعه
هو مو حرمة يستنى ياخذ الاذن من زوجته اروح لأمي ولا لا
ترا في حلول وحلول
غير انهم ياخذو امهم لبيوتهم
لكن هم اختارو العقوق
وبتشوفيعقابه في هالعيال
العضوية الراقية
والله الوحده لو ماتجيب عيال تموت مرتاحه من الهم والغم ونكران المعروف وتعب التربية والسهر
تشيز كيك 🍰
تشيز كيك 🍰
الله يرحمها ويغفر لها ويسكنها فسيح جناته